Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
POLITIKE
VIDEO/ "Parti me babain në krye të listës" Lapaj i përgjigjet Ramës: Fëmijët e kujt ke futur në listat e mbyllura të PS?
r.llPërditësimi i fundit 18 Mars 2025, 19:26
rama, lapaj
TIRANË- Kryetari i Shqipëria Bëhet, Adriatik Lapaj ka reaguar sërish sot lidhur me deklaratat e kryeministrit Edi Rama se në listat e koalicionit “Nisma-Shqipëria bëhet” janë futur dhe baballarët e dy drejtuesve.
Përmes një videoje të postuar në rrjetet sociale, Lapaj shprehet se Rama në listat e mbyllura të PS-së ka vendosur fëmijët e ish-deputetëve dhe zyrtarëve socialistë. Ai thotë se pushtetin Partia Socialiste e ka në stil ta trashëgojë brenda vetes.
"Zoti Rama, ortaku i zotit Berisha qenka shqetësuar shumë përse ne kemi vendosur prindërit në listat e mbyllura për t’i djegur ato me qëllim që ne të garojmë realisht për të shkuar në parlament. Zoti Rama është mësuar me partinë e vet që ta trashëgojë pushtetin nga babai te fëmijët e nga nëna të fëmijët.
Këtë po bëjnë edhe në këto zgjedhje, ftoj ju qytetarët të futeni në listat e mbyllura të PS dhe të verifikoni fëmijët e kujt janë ata që janë në listat e mbyllura dhe do të gjeni emrat e ish-deputetëve të PS dhe zyrtarëve të lartë. Pushtetin në këtë vend e trashegojnë se ashtu e kanë stil. Ne duam të shpartallojmë sistemin e tyre që të rinjtë në këtë vend të kenë garë pavarësisht fëmijët e kujt janë. Mjafton ta duan vendin, të jenë të përgatitur dhe mirëshkolluar.", shprehet Lapaj.
