Dhunohet drejtori i Ujësjellësit të Elbasanit, Luan Tabaku. Ngjarja ka ndodhur rreth orës 10:45 të mëngjesit të së die...
POLITIKE
VËZHGIM/ Marketingu i Ramës përdor faqen zyrtare të Kryeministrisë!
PiranjatPërditësimi i fundit 4 Shkurt 2026, 12:42
Kryeministri Edi Rama duket se nuk arrin të ndajë plotësisht rolin e tij institucional nga çështjet personale.
Piranjat News kanë analizuar faqen zyrtare të Kryeministrisë, e cila duhet të shërbejë si mjet transparence për publikun dhe të pasqyrojë aktivitete me interes publik, por nga vëzhgimet e bëra rezulton se shpesh shfaqen njoftime dhe deklarata që lidhen me çështje personale të kryeministrit.
Përkatësisht më poshtë shfaqet në faqen zyrtare deklarata e kryeministrit ditën e sotme, 4 shkurt, 2026.
Piranjat pas vëzhgimit vunë re se kjo deklaratë ishte koment personal i Ramës ndaj gjyqësorit dhe jo një aktivitet me interes publik.
Rama mund të zgjidhte që këtë deklaratë të mos e ndante në faqen e Kryeministrisë.
I gjendur në ''hall'' të madh kryeministrit i duhet të përgjigjet ndaj akuzave për Ballukun dhe zyrtarëve të tjerë nën hetim, mirëpo për t’i mbrojtur ata Rama nuk mund të përdorë faqen zyrtare të Kryeministrisë.
Retorika e Ramës, sulmet, polemikat personale që ai krijon i takojnë vetëm faqes së tij personale.
Piranjat po ashtu kanë vëzhguar faqe të tjera të institucioneve zyrtare jashtë Shqipërisë dhe në to nuk konstatohen deklarata jashtë politikës.
Më konkretisht ne kemi analizuar faqen e kryeministrisë së Italisë.
Në këtë faqe shfaqen vetëm deklarata zyrtare, qëndrime politike dhe takime zyrtare.
Versioni në shqip
Ndërkohë po të kthehemi pas në kohë, Rama mund të jetë i vetmi kryeministër që përdor institucionet për interesat e tij personale.
Nga Ismail Qemali, Ahmet Zogu e deri më sot, rregulli për respektimin e institucioneve publike dhe kur nuk ka qenë ligj i mirëfilltë ka qenë parim, por siç duket Rama i cili jeton në një kohë tjetër, atë të ''institucioneve online’’, ka zgjedhur t'i përdorë këto për marketing personal./Artikull nga Piranjat News
Bledian Koka
Mediat jane mbushur sot me te dhenat e nje "megaoperacioni" te Prokurorise se Durresit qe paska bere namin per skandalin e mbetjeve toksite qe i g...
