Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Zbardhet mesazhi, Rama porosi për kandidatët: Asnjë të mos hapë zyra përtej zonës së tij! Mos kërkoni vota për kandidatët e listës së hapur, por vetëm për PS-në
n.fPërditësimi i fundit 1 Prill 2025, 17:20
TIRANË- Kryeministri Edi Rama u ka dërguar një mesazh të gjithë kandidatëve për deputetë, duke i kërkuar që të mos hapin zyra elektorale përtej zonës që atyre i takon. Në mesazhin e publikuar nga Balkanweb, Rama shkruan se deputeti është i lirë të bëjë takime ku të dojë, por nuk duhet të përdorë për takimet e tij strukturën. Sipas tij struktura nuk është tabelë qitje e çdo deputeti.
Më tej ai i ka tërhequr vëmendjen edhe kandidatëve të listës së mbyllur të cilët në këto zgjedhje nuk e kanë të nevojshme të bëjnë fushatë për veten. Rama u kujton atyre se nuk duhet të kërkojnë vota për kandidatët e listës së hapur, por vetëm për PS-në, numrin 5.
Asnjë deputet s’duhet të hapë zyra te veta jashtë zonës së caktuar nga drejtuesi politik. Deputeti është i lirë të bëjë takime ku të dojë, por në asnjë mënyrë nuk duhet të përdorë për takimet e tij strukturën. Struktura është në funksion të qëllimit të përbashkët, jo për t’u bërë tabelë qitje e çdo deputeti. Deputetët në listë të mbyllur nuk duhet kategorikisht të kërkojnë vota për asnjë deputet në listën e hapur, po vetëm për numrin 5. Të gjithëve duhet t‘u thonë tek vota preferenciale jeni të lirë! Po ashtu deputetët në listën e hapur nuk është mirë t’u kërkojnë kolegëve në listën e mbyllur vota në zonën përkatëse, pasi e para i vënë në pozitë të vështirë, e dyta i shtyjnë drejt prishjes së barazisë së garës dhe e treta i bëjnë të çorodisin strukturën.
