DashiAna juaj sensuale ka të ngjarë të shfaqet sot. Takimet romantike janë intensive dhe pasionante, prandaj sigurohuni që t’u ...
POLITIKE
Zhupa me operatorët turistikë në Sarandë: 13 vite pa përmirësime serioze në port! Premtim elektoral i pambajtur
PiranjatPërditësimi i fundit 5 Prill 2026, 19:01
Kryetarja e Komisionit të Turizmit, Kulturës dhe Diasporës, Ina Zhupa, gjatë takimit me operatorët turistikë në Sarandë, ka evidentuar shqetësimet kryesore që u ngritën që dëmtojnë drejtpërdrejt turizmin. Nga mungesa e ujit të pijshëm, investimet e pamjaftueshme në port duke mos lejuar ankorimin e krocerave, problemet me infrastrukturën, parkimet dhe konkurrencën e pandershme te agjencive të palicensuara.
Zhupa theksoi se pa ndërhyrje konkrete nga qeveria, zhvillimi i turizmit në Sarandë mbetet i rrezikuar dhe pse qyteti është një nga perlat e vendit.
Reagimi:
Takim me operatorët turistikë në Sarandë! Saranda është një nga perlat më të bukura të turizmit shqiptar, por sot operatorët turistikë po përballen me probleme reale që po ndikojnë drejtpërdrejt në cilësinë dhe zhvillimin e turizmit.
Në vitin 2026 është e papranueshme që ende të diskutojmë për mungesën e ujit të pijshëm. Turizëm cilësor pa ujë nuk mund të ketë. Ky është një premtim elektoral i përsëritur ndër vite, por i pambajtur.
Porti i Sarandës ka nevojë për investime. Që prej vitit 2013, kur u ndërtua kalata 180 metra, nuk ka pasur asnjë investim serioz. Sot, kroçerat nuk mund të ankorohen siç duhet. Ndërkohë, Korfuzi pret rreth 620 kroçera në sezon, ndërsa Saranda vetëm rreth 20. Një investim strategjik për zgjerimin e kalatës në të paktën 600 metra është jetik për zhvillimin e turizmit detar.
Infrastruktura turistike lë për të dëshiruar.Rruga për në Kalanë e Lëkurësit mbetet e amortizuar, duke mos reflektuar potencialin që ka kjo pikë panoramike. Tek 40 Shenjtorët mungon infrastruktura rrugore dhe kështu kudo nëpër pika të trashëgimisë kulturore.
