Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
SHOWBIZ
Aborti spontan, nga Oriana Sabatini te Anne Hathaway: Pse të flasësh është e dobishme dhe jo tabu!
PiranjatPërditësimi i fundit 10 Nëntor 2025, 17:24
Është më e zakonshme nga sa mund ta mendoni, por ende shumë shpesh mbahet e fshehur sepse konsiderohet si një njollë, një e metë, diçka për të cilën duhet të turpërohesh. Por nuk është kështu. Oriana Sabatini, modelja dhe aktorja e famshme argjentinase, e cila tani pret fëmijën e saj të parë me bashkëshortin Paulo Dybala, ka vendosur të hapet publikisht, duke zbuluar se nuk ishte në gjendje ta çonte shtatzëninë e saj të mëparshme deri në fund.
Por ajo nuk është e vetmja. Shumë gra në botën e filmit e shoëbuizit përpara saj, nga Anne Hathaway te Gwyneth Paltrow, nga Bianca Atzei te Manila Nazzaro, kanë zgjedhur të flasin publikisht për këtë. Një gjest i nevojshëm, ndonjëherë çlirues, që u sjell dobi të gjitha femrave: Atyre që e përjetuan si një tabu dhe atyre që duhet të ndihen më pak të vetmuara.
Të flasësh është e dobishme
Akti i ndarjes së një aborti spontan thyen heshtjen që shpesh e rrethon atë. Në fakt, aborti spontan është më i zakonshëm nga sa thuhet: Deri në 30% të shtatzënive mund të përfundojnë në këtë mënyrë. Kur një figurë publike si Sabatini ndan përvojën e saj, kjo gjeneron një efekt të dyfishtë: nga njëra anë, normalizon një ngjarje që përjetohet shumë shpesh në vetmi; nga ana tjetër, ndihmon t'u japësh zë atyre që kanë përjetuar diçka të ngjashme pa u ndjerë të autorizuar të flasin për të.
Një thirrje për "normalitet"
Historia e Sabatinit nuk është thjesht një lajm i famshëm, por edhe një mundësi për të mos u ndjerë “në faj”. Pranojeni se aborti spontan është shumë më i zakonshëm nga sa mendoni. Është e rëndësishme të kuptoni se humbja e një shtatzënie është një humbje, edhe nëse nuk është gjithmonë "e dukshme". Dhe mbi të gjitha, është e rëndësishme të dini se ka një mijë variabla që përcaktojnë një ngjarje të tillë, për të cilën nuk jeni përgjegjës drejtpërdrejt.
Mjaft me tabutë
Dialogu dhe rrëfimi duhet të jenë vazhdimisht të lidhura. Një personazh i famshëm që hapet nxit dialogun dhe e bën një grua "normale" të ndihet më rehat duke folur për të, ndoshta në mjedise të përshtatshme, pa stigmë ose heshtje.
Çfarë do të thotë abort spontan?
Aborti spontan është ndërprerja e pavullnetshme e shtatzënisë dhe ndodh më shpesh brenda 12 javëve të para (tremujori i parë). Shumica e aborteve ndodhin para javës së 22-të ose 23-të të shtatzënisë, pas së cilës ato konsiderohen lindje të foshnjave të vdekura. Shkaqet janë të ndryshme dhe shpesh nuk i atribuohen zgjedhjeve të gruas: anomali kromozomale, patologji të mitrës, infeksione, faktorë koagulimi ose faktorë hormonalë. Mund të jetë asimptomatik ose të manifestohet me gjakderdhje, dhimbje ose tkurrje të mitrës. Të dhënat e Istat për vitin 2024 në Itali zbulojnë një incidencë të aborteve që varion midis 25 dhe 30% të shtatzënive të diagnostikuara. Ky është një numër i frikshëm, që kërkon mbështetje psikologjike.
