Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
SHOWBIZ
"Kam marr ftesë për të qenë pjesë"/ Komediani i njohur refuzon produksionin e 'BBV': Nuk e shoh veten
PiranjatPërditësimi i fundit 8 Tetor 2025, 16:52
Humoristi i njohur Dardan Islami ka ndarë detaje interesante nga jeta dhe karriera e tij gjatë një interviste, ku foli jo vetëm për projektet aktuale, por edhe për prapaskenat e ofertave që ka marrë nga televizioni.
Gjatë bisedës, Islami zbuloi se është në përgatitje të një projekti të ri në fushën e stand up komedisë, i cili pritet të realizohet gjatë vitit të ardhshëm. Ai theksoi se dëshiron të sjellë diçka ndryshe për publikun dhe të provojë formate të reja artistike.
Ndër momentet më të komentuara të intervistës ishte edhe pyetja në lidhje me Edona James, personazhin më të diskutuar të edicionit të dytë të Big Brother VIP Kosova. Dardani e cilësoi Edonën si një figurë simpatike dhe e vlerësoi për pozitivitetin dhe energjinë që solli në shtëpi.
Ai gjithashtu pranoi publikisht se ka marrë një ftesë zyrtare për të qenë pjesë e 'BBVIP Kosova', por ka vendosur të mos e pranojë. Ftesa, sipas tij, i ishte bërë nga moderatorja Liberta Spahiu.
“Kam marrë ftesë për të qenë pjesë e Big Brother VIP Kosova, më ka telefonuar Liberta dhe më ka bërë ftesë,” tha ai, duke shtuar se, për momentin, nuk e sheh veten në një format të tillë.
Me këtë intervistë, Dardan Islami tregoi një anë më të thellë të vetes si artist, por edhe si individ që di të zgjedhë me kujdes rrugën që ndjek në karrierën publike.
