Protesta e studentëve në Universitetin “Aleksandër Moisiu” në Durrës është shfaqur edhe në ambientet e kam...
SHOWBIZ
P. Diddy po mban “kurse jete” për të burgosurit në Brooklyn
PiranjatPërditësimi i fundit 3 Tetor 2025, 15:42
Reperi dhe producenti i njohur Sean “Diddy” Combs, i cili ndodhet në paraburgim në Qendrën Metropolitane të Brooklyn që nga shtatori 2024, raportohet se po ndan përvoja dhe këshilla me bashkë të burgosurit përmes një programi unik.
Sipas një letre të paraqitur nga një tjetër i burgosur, Ho Wen Kwok (i njohur si Miles Guo), Diddy ka nisur një iniciativë të titulluar “Free Game with Diddy”, ku flet për jetën, biznesin dhe përvojën e tij në industrinë muzikore.
Kwok shkruan se është hera e parë që sheh një repart të tërë të marrë pjesë në një aktivitet pa ndasi racore apo bandash. Ai e përshkruan Diddy-n si një njeri karizmatik, empatik dhe të përkushtuar, që përgatitet me seriozitet për çdo sesion, me qëllim të frymëzojë të tjerët.
Dyshja raportohet gjithashtu se ka diskutuar për mundësinë e krijimit të programeve që do të ndihmonin të rinjtë të largoheshin nga rruga, duke përdorur muzikën dhe sportin si mjete rehabilitimi.
Diddy u shpall fajtor në korrik për dy akuza të lidhura me prostitucion, ndërsa u shpall i pafajshëm për akuzat më të rënda si trafikim njerëzor dhe zhvatje. Prokurorët federalë kërkojnë një dënim prej mbi 11 vitesh, ndërsa mbrojtja e tij propozon një skenar më të lehtë: 14 muaj burg, trajtim të detyrueshëm dhe mbikëqyrje pas lirimit.
