Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
SHOWBIZ
Përfundon në spital Dua Lipa, ndërpritet turneu muzikor në SHBA
PiranjatPërditësimi i fundit 2 Tetor 2025, 13:58
Këngëtarja Dua Lipa, është përballur me një incident shëndetësor gjatë turneut të saj në Shtetet e Bashkuara, duke ngritur shqetësim mes fansave të saj. 30-vjeçarja është parë me shenja të dukshme në shpatull, çka ka shtyrë shumë ndjekës të dyshojnë për një dëmtim serioz, raportoi Daily Mail.
Sipas burimeve të The Sun, këngëtarja i është nënshtruar një kontrolli nga një radiolog për të vlerësuar gjendjen e saj fizike. Fatmirësisht, pas vlerësimit mjekësor, Dua ka marrë dritën jeshile për të vazhduar me turneun, i cili do të zhvillohet pa asnjë ndryshim në axhendë.
“Lëndimi ndodhi gjatë një periudhe pushimi nga performancat. Edhe pse ishte i dhimbshëm, pas ekzaminimeve, ajo mori aprovimin për të vazhduar. Thjesht një nga ato situatat e pakëndshme që ndodhin”, ka thënë një burim pranë saj. Këngëtarja raportohet se po ndjek gjithashtu trajtime fizioterapie për rikuperim të plotë.
Ndërkohë, përtej skenës, Dua Lipa është përfshirë edhe në një debat të natyrës politike dhe etike në industrinë muzikore. Ajo ka ndërprerë bashkëpunimin me agjentin e saj, David Levy, pasi ky i fundit u përfshi në një fushatë kundër grupit pro-palestinez “Kneecap”. Levy ishte ndër firmëtarët e një letre drejtuar organizatorëve të festivalit Glastonbury, ku kërkohej ndalimi i performancës së grupit nga Belfast, të cilët ai i akuzonte për mbështetje ndaj organizatës Hezbollah dhe për nxitje të antisemitizmit.
Letra, e cila ishte klasifikuar si konfidenciale, u bë publike më vonë, duke zbuluar presionin e ushtruar ndaj organizatorëve të festivalit për të përjashtuar artistë me qëndrime pro-palestineze. Dua Lipa, e njohur për qëndrimet e saj publike në mbështetje të Palestinës, reagoi duke ndërprerë bashkëpunimin me Levy-n, duke u bashkuar me artistë të tjerë si grupi Massive Attack, që morën të njëjtin vendim.
