Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
SHOWBIZ
Refuzimi i Ema Andreas dhe ‘mbrojtja’ e Egla Cenos: Drama e re me Ermal Mamaqin dhe seminaret e tij motivuese
PiranjatPërditësimi i fundit 14 Nëntor 2025, 11:01
Në puntatën e fundit të emisionit “Goca dhe Gra”, një moment i papritur tërhoqi vëmendjen e të pranishmëve kur u përfol seminari motivues që do të organizojë Ermal Mamaqi këtë fundjavë.
Mamaqi tregoi se seminari synon t’u ofrojë pjesëmarrësve mënyra për të përmirësuar jetën dhe marrëdhënien me vetveten, ndërsa do të jenë të ftuar edhe personazhe të njohur publikë.
“Të shtunë dhe të diel kam një trajnim. Vijnë shumë personazhe VIP. Do më dëgjosh dy ditë dhe unë do të tregoj se çfarë mund të bësh më mirë me jetën tënde”, tha ai, duke iu drejtuar edhe aktores Ema Andrea.
Ema Andrea, megjithatë, e hodhi menjëherë poshtë ftesën:
“Tani e kuptova pse je i bindur se çdo gjë që thua do t’u shërbejë të gjithëve. Çfarë bëj në jetë e kam zgjedhur vetë, dhe jam e suksesshme me këtë që kam zgjedhur. Kam gjëra më të rëndësishme për të bërë”.
Egla Ceno nuk mund të qëndronte pa reaguar. Në Instastory, ajo shkruante:
“Ermal, nuk të falet! Disa artistë nuk kanë kohë për të mësuar diçka të re, por gjejnë kohë për të dëmtuar punën e një artisti tjetër. Je ndierë ndonjëherë gjeni me kohë të plotë ti, Ermal? Jo! Rri aty, gjej mënyra si të përmirësosh veten dhe rrethin tënd. Disa e matin suksesin me sa njerëz nënvlerësojnë, jo me sa gjëra mësojnë. U bëre ti Ermal. Ti s’e ke idenë fare se kur ndihesh Moxart, gjërat e reja të duken si kurs pianoje për fillestarë. Ka artistë që nuk kanë nevojë për zhvillim personal sepse kanë arritur perfeksionin. Disa të tjerë e konsiderojnë përulësinë si fyerje personale. Po nga t’i dish ti këto gjëra o Ermal? Ti je i fokusuar tek vetja, jo tek suksesi. P.S: Keep going!”
Reagimet e Ema Andreas dhe Egla Cenos kanë bërë që seminari i Ermal Mamaqit të marrë vëmendje të madhe në rrjetet sociale, duke nxitur komente të shumta nga fansat dhe personazhet publikë.
