Me thirrjet 'polici këtu na ke, ti mbron krimin dhe jo ne' protestuesit po protestojnë para Drejtorisë së Policisë së Ti...
SHOWBIZ
Sara Gjoka: “Meshkujt pëlqejnë vajzat e ekranit por martohen me të thjeshtat”
PiranjatPërditësimi i fundit 13 Nëntor 2025, 13:35
Modelja e njohur, Sara Gjoka, ka qenë e ftuar në emisionin “Live From Tirana” me Ronaldo Sharkën, ku ka folur hapur për mënyrën si funksionojnë marrëdhëniet sot dhe perceptimin që meshkujt kanë për vajzat e ekranit.
Ajo u shpreh se shumë vajza të reja përdorin sot titullin “influencer”, por sipas saj, ky term shpesh keqpërdoret. “Të jesh modele është gjë tjetër, të jesh prezantuese televizive është gjë tjetër. Nuk mund të bëhesh nga hiçi influencer. Shumë vajza e kanë keqkuptuar këtë dhe e lidhin famën me interesin e meshkujve”, u shpreh Sara.
Në vijim, ajo theksoi se shumë vajza i përdorin ekranet për qëllime të tjera, jo për pasion apo profesion. “Shumë emisione sot shfrytëzohen për t’u bërë të njohura, për të krijuar profil dhe për t’u pëlqyer nga meshkujt. Kjo është bërë një tendencë”, shtoi ajo.
Megjithatë, Gjoka nënvizoi se pavarësisht se djemtë shpesh tërhiqen nga vajzat e famshme, për martesë ata zgjedhin gjithmonë vajza më të thjeshta.
“Djemtë e kanë euforinë e momentit, pasionin, por në fund zgjedhin një vajzë për shtëpi të thjeshtë, që nuk është shumë seksi dhe që nuk e njeh askush”, përfundoi ajo.
