Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SOCIALE
Rënie drastike temperaturash dhe dëborë! Meteorologia: Moti merr kthesën e fortë
PiranjatPërditësimi i fundit 1 Tetor 2025, 15:40
Meteorologia Tanja Porja ka bërë parashikimin e motit për këtë fillim tetori që ka ardhur i ftohtë pas një vere me temperatura të larta dhe thatësirë.
Porja zbuloi se kjo fundjavë do të jetë e karakterizuar nga reshjet e shiut dhe temperaturat e ulëta, ndërsa në Veri të vendit do të bjerë edhe bora e parë.
“Duke filluar nga sot do të shtohen vetëm vranësirat. Presim të ketë shi sot në mbrëmje dhe gjatë natës dhe ditës e nesërme presim reshje me sasi të konsiderueshme kryesisht në ju, juglindje dhe zonat lindore. Veriperëndimi dhe i gjithë perëndimi, pra bregdeti shqiptar deri afër Vlorës paraqitet më mirë. Në fakt sonte gjatë natës presim për herë të parë reshjet e dëborës. Do të ketë veriu dhe verilindja reshje dëbore sonte gjatë natës dhe pasditja e së enjtes dhe të premten reshjet e dëborës deri në disa centimetra priten edhe në juglindje. Temperatura do të zbresë nga 27 gradë deri në 16 gradë. Nesër në mëngjes do të jetë edhe pjesa më e ngrohtë e ditës. Pas orës 09:00 termometri do të shënojë rënie duke kulmuar me të premten në mëngjes ku temperaturat do të zbresin nga 1 deri në 0 gradë Celcius në zonat malore. Në Tiranë dhe Perëndimin e vendit termometra i mëngjesit zbret nga 8 deri në 12 gradë, ndërsa maksimumet e zonës Perëndimore zbresin maksimumi deri në 19 gradë Celcius”, tha meteorologia.
Meteorologia shpjegoi më tej se ky mot i ftohtë është rezultat i një cikloni që sjell rryma ajrore të akullta nga veriu i Europës drejt Mesdheut, por do të zgjasë në periudha afatshkurtra.
“Nuk është tipike vjeshte, kemi një hyrje afatshkurtër të dimrit në stinën e vjeshtës. Do të zgjasë deri të shtunën me mot tipik dimri mesdhetar dhe më pas i rikthehemi sërish vjeshtës. Kemi ardhjen e masave ajrore me shpejtësi nga veriu i kontinentit që do të zhyten deri poshtë në Juglindje duke bërë që termometri të zbresë me të paktën 10 gradë në një derivat më pak se 24 orësh. Nuk janë kushte kritike moti por sasia e reshjeve do të jetë e konsiderueshme. Gjatë gjithë tetorit ne do t’i kemi këto cikle afatshkurtra dy tre ditore në zona të nddryshme të Mesdheut”, zbuloi më tej meteorologia Tanja Porja në “Puls” me Bruna Çifligun, në A2 CNN.
