Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
SPORT
''Dyshimi për përfshirje në baste''/ Mesfushori i Brazilit zbulon pse dështoi transferimi i tij tek Mançester Siti
PiranjatPërditësimi i fundit 14 Nëntor 2025, 14:27
Mesfushori i Brazilit, Lukas Paketa ka folur hapur për transferimin e tij të dështuar te Mançester Siti nga Uest Hem në vitin 2023, një marrëveshje që dështoi për shkak të përfshirjes së tij të dyshuar në një skandal bastesh.
“Të gjithë e dinë se ishte një marrëveshje e kryer. Ndoshta do të kisha nënshkruar javën kur mora letrën nga Shoqata Angleze e Futbollit. Profesionalisht, humba shumë, ai transferim ishte një hap i madh në karrierë”, tha ai për Globo.
Braziliani përshkroi më pas ndikimin psikologjik të kësaj afere, e cila në mënyrë të pashmangshme ndryshoi jetën e familjes së tij: “Psikologjikisht, ishte e tmerrshme, duke filluar me frikën e kësaj pavendosmërie, pasigurinë e së ardhmes sime, edhe pse e di kush jam, çfarë bëj dhe çfarë kam bërë. Por, për shkak të rrethanave të hetimit dhe mënyrës se si federata e trajtoi të gjithën, isha i frikësuar.”
Ndikimi në jetën e tij personale: “Unë dhe gruaja ime kemi kaluar dy vite të gjata dhe të dhimbshme, por me një fund të lumtur. Kjo ka forcuar gjithashtu martesën tonë, historinë tonë si familje, mua, asaj dhe fëmijëve. Jam i lumtur që përfundoi kështu, luftova shumë kundër gjithë kësaj dhe është shumë e vështirë të mos jesh në gjendje të flasësh, të dëgjosh rrëfime të ndryshme dhe të mos jesh në gjendje të tregosh anën tënde të historisë”, përfundoi intervistën 28-vjeçari.
