Detaje të reja kanë dalë në dritë nga ngjarja e rëndë e regjistruar mbrëmjen e 20 tetorit në zonën e Komun&e...
SPORT
Grabitet Sergio Rico, makth për ish-portierin e PSG-së: banditët e maskuar terrorizojnë familjen para fëmijëve
PiranjatPërditësimi i fundit 21 Tetor 2026, 10:44
Një ngjarje e frikshme ka tronditur Sergio Ricon, ish-portierin e Seviljes dhe Paris Saint-Germain, i cili aktualisht është pa klub. Mbrëmjen e së hënës, më 19 tetor, rreth orës 22:00, një grup prej pesë personash të maskuar dhe të armatosur hyri me forcë në banesën e tij në Bollullos de la Mitación, në provincën e Seviljes.
Sipas raportimeve të mediave spanjolle, autorët përfituan nga çaktivizimi i sistemit të alarmit, ndërsa familja po darkonte. Në shtëpi ndodheshin Rico, bashkëshortja e tij Alba Silva, dy fëmijët e tyre, vjehrra dhe një punonjëse e shtëpisë.
Familja u mbyll në një dhomë, por grabitësit arritën të hynin. Sipas raportimeve, autorët thyen derën e dhomës dhe morën sende me vlerë përpara se të largoheshin. Disa media raportuan edhe për ushtrim dhune ndaj familjarëve, por Rico mohoi versionin për një rrahje brutale që qarkulloi menjëherë pas ngjarjes.
Familja ka denoncuar incidentin, ndërsa autoritetet po punojnë për identifikimin e personave përgjegjës.
Guardia Civil po heton edhe lidhjet e mundshme me grabitje të tjera të ndodhura në vilat e zonës së Aljarafe, ku banojnë disa figura të njohura. Mes pistave që po shqyrtohen është edhe mundësia e rrjedhjes së informacioneve për banesat e personave të pasur dhe të famshëm.
Rasti i Sergio Ricos vjen në një periudhë kur futbollistët në Spanjë po përballen me shqetësime në rritje për sigurinë e banesave të tyre. Sipas raportimeve, edhe sulmuesi brazilian Antony dhe portieri hungarez Peter Gulácsi janë përballur me grabitje ose tentativa të ngjashme, duke ngritur pikëpyetje mbi sigurinë e futbollistëve, veçanërisht gjatë kohës kur ata janë të angazhuar në ndeshje.
