Policia e Shtetit ka nxjerrë një shkresë urgjente drejtuar komisariateve të Tiranës, ku kërkon marrjen e një sërë...
SPORT
Ish-shefi i kuzhinës së Cristiano Ronaldos zbulon se çfarë ha ai për të mbajtur trupin në formo! Ja çfarë ka përjashtuar nga dieta e tij
PiranjatPërditësimi i fundit 2 Maj 2026, 09:40
Cristiano Ronaldo vazhdon të jetë shembull profesionalizmi, duke ruajtur një formë fizike të jashtëzakonshme edhe në moshën 41-vjeçare, falë disiplinës së fortë dhe ushqyerjes së kujdesshme.
Sipas Giorgio Barone, Giorgio Barone, ish-kuzhinier personal i Ronaldos gjatë periudhës kur ai luante te Juventus, një nga elementët kryesorë të dietës së tij është shmangia totale e qumështit.
Sipas tij, konsumimi i qumështit pas moshës së foshnjërisë nuk është natyral për njeriun, duke theksuar se asnjë kafshë tjetër nuk vazhdon të pijë qumësht pas muajve të parë të jetës.
Cristiano Ronaldo ndjek një regjim prej gjashtë vaktesh në ditë, të pasura me proteina dhe lëndë ushqyese. Njëkohësisht, ai i kushton rëndësi të madhe rikuperimit, duke përdorur sauna dhe terapi me akull pas stërvitjeve me intensitet të lartë, të cilat mund të zgjasin deri në katër orë në ditë.
Përqindja e yndyrës trupore të tij është rreth 7%, dukshëm më e ulët se mesatarja e futbollistëve profesionistë.
Çfarë përfshin menuja e tij e përditshme?
Dieta e Ronaldos bazohet në ushqime me pak yndyrë dhe vlera të larta ushqyese, si peshk i freskët, mish pule, avokado, drithëra integrale, perime dhe fruta.
Mëngjesi: avokado, vezë dhe kafe pa sheqer
Dreka: pulë ose peshk me perime
Darka: e lehtë, me proteina dhe perime
Ai shmang në mënyrë të rreptë karbohidratet e përpunuara si buka dhe makaronat, si dhe nuk konsumon pije të gazuara, duke preferuar ujin si burimin kryesor të hidratimit, një qëndrim që u bë veçanërisht i njohur gjatë UEFA Euro 2020.
Disiplina e Cristiano Ronaldos është kthyer në shembull për shumë futbollistë të rinj. Lojtarë si Vinícius Júnior ndjekin modele të ngjashme ushqyerjeje dhe stërvitjeje, ndërsa edhe Neymar ka konsultuar metoda të ngjashme për të menaxhuar më mirë formën e tij fizike.
