Ka nisur këtë të martë në Gjykatën e Posaçme kundër Korrupsionit dhe Krimit të Organizuar (GJKKO) procesi gjyq&...
SPORT
Mario Mitaj, objektiv i disa klubeve "big" në Evropë
PiranjatPërditësimi i fundit 13 Janar 2026, 13:41
Mario Mitaj është objektiv i disa klubeve 'big' në Evropë. "Fichajes.net" në Spanjë bën me dije se pas mbrojtësit të Kombëtares janë emra si Atletico Madrid apo Sunderland.
Spanjollët e Atleticos po kërkojnë me ngulm një mbrojtës të majtë për trajnerin Diego Simeone, por objektivi i parë, futbollisti i Villarreal, Carlos Romero, kushton 45 milionë euro dhe 'Los Colchoneros' kanë hequr dorë prej tij.
Një mundësi më e lirë vjen nga Arabia Saudite, teksa bëhet fjalë për djaloshin kuqezi të Al Ittihad, Mario Mitaj. 22-vjeçari ka lënë mbresa të jashtëzakonshme dhe vlen vetëm 5.5 milionë euro në treg, por Atletico nuk do e kishte problem të ofronte deri në dyfshin e kësaj shumë për të bërë të vetin një prej mbrojtësve të majtë më të talentuar të viteve të fundit.
Por nuk është vetëm Atletico, pasi në Premier League edhe Sunderlandi i Granit Xhakës ka hedhur sytë nga Mitaj. Me këtë konkurrencë Al Ittihad nuk ulet poshtë 10 milionë eurove për Mitajn, të cilin e afruan një vit më parë për 4 milionë euro nga Lokomotiva e Moskës.
Mitaj ka kontratë deri në verën e 2028 në Arabinë Saudite, por fakt është se forma e tij mund ta largojë nga 'shkretëtira' dhe ta rikthejë në Evropë me një klub dhe kampionat të madh.
