Gjyqtarët e Republikës kërkojnë zbatimin e menjëhershëm të vendimit të Gjykatës Kushtetuese për pagat e magj...
SPORT
Milani shpenzoi 150 milionë euro, shumë zhgënjim nga merkato
PiranjatPërditësimi i fundit 7 Maj 2026, 15:18
Me vetëm tre ndeshje të mbetura në sezon, te Milani ka ardhur momenti për të bërë bilancet, duke nisur nga një tjetër merkato verore problematike.
Gjatë verës së kaluar, kuqezinjtë shpenzuan mbi 150 milionë euro, pasi shitën edhe disa lojtarë kyç si Malik Çau, Teo Hernandez dhe Tizhani Reijnders. Megjithatë, shumica e afrimeve nuk kanë dhënë atë që pritej. Në mbrojtje, Koni De Uinter ka treguar se mund të jetë një alternativë e dobishme dhe fleksibile, ndërsa David Odogu ka luajtur shumë pak, duke e bërë të diskutueshëm investimin prej 10 milionë eurosh për të.
Në mesfushë, afrimi falas i Luka Modriç rezulton një goditje e shkëlqyer, dhe mungesa e tij ndihet dukshëm. Edhe Adrien Rabiot ka bindur me paraqitjet e tij. Në anën tjetër, 35 milionë eurot për Ardon Jashari duken aktualisht një investim i gabuar, ndërsa 23 milionë eurot për Samuele Riçi janë më të justifikueshme, edhe pse ai nuk ka spikatur shumë.
Në krahë, Pervis Estupinjan dhe Zakari Athekame nuk kanë dhënë ndikimin e pritur, i pari ka zhgënjyer, përveç një goli në derbi, ndërsa i dyti ka treguar vetëm disa shkëndija potenciali. Në sulm, një tjetër zhgënjim i madh është Kristofer Nkunku. Milani pagoi 37 milionë euro plus bonuse për francezin, por performancat e tij kanë qenë larg pritshmërive.
Vera e ardhshme vendimtare – Merkatoja e ardhshme verore mbetet e paqartë dhe gjithçka varet nga kualifikimi në Champions League. Pa këtë objektiv, klubi pritet të ndjekë një strategji me kosto të ulët dhe mund të ketë largime të rëndësishme. Pavarësisht se kush do të jetë në drejtim, një gjë është e qartë: duhet një ndryshim rrënjësor në mënyrën e ndërtimit të skuadrës.
Kërkesat e trajnerit duhet të dëgjohen që në fillim, për të shmangur afrime që nuk përshtaten me projektin. Gjithashtu, vendimet në merkato duhet të jenë rezultat i një pune të përbashkët, jo përgjegjësi individuale që më pas kalojnë nga lavdërimi në kritikë. Në vitet e fundit, uniteti brenda klubit ka munguar shpesh. Nëse synimi është rikthimi te suksesi, atëherë gjithçka duhet të nisë pikërisht nga kjo bazë.
