Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
SPORT
Nga Besa te Vllaznia, ecuria fantastike e Dinamos në Kupën e Shqipërisë
PiranjatPërditësimi i fundit 12 Maj 2026, 14:42
Dinamo është vetëm një hap larg trofeut të Kupës së Shqipërisë, pasi skuadra kryeqytetase do të përballet të mërkurën në “Air Albania” me Egnatian në finalen e madhe.
Dinamo ka siguruar kualifikimin për në finalen e Kupës së Shqipërisë, pas një rrugëtimi pozitiv në të gjitha fazat e kompeticionit, teksa edhe finalja i jep një avantazh të madh, duke qenë se do të luhet në kryeqytet, aty ku Dinamo ka zhvilluar thuajse të gjitha ndeshjet si skuadra pritëse këtë sezon. Blutë e nisën aventurën në Kupën e Shqipërisë nga turi i 1/8-ave, ku eliminuan Besën me rezultatin 3-0, duke kaluar pa vështirësi në fazën tjetër, në një fazë ku gjithçka vendosej nga një ndeshje e vetme pa pasur kthim.
Në çerekfinale, Dinamo u shortua përballë Tiranës. Në ndeshjen e parë, skuadra blu fitoi 2-0, ndërsa në takimin e kthimit regjistroi një tjetër fitore me të njëjtin rezultat, 0-2, duke u kualifikuar në gjysmëfinale me rezultatin e përgjithshëm 4-0.
Në gjysmëfinale, Dinamo u përball me Vllazninë. Takimi i parë në Tiranë përfundoi në barazim 1-1 dhe u duk se në Shkodër, kuqeblutë do të ishin finalistë. Megjithatë, një gol i shënuar nga Bregu ishte i mjaftueshëm për të kaluar skuadrën e Dajës në finalen e madhe, me rezultatin e përgjithshëm 2-1 për kryeqytetasit. Tashmë, “nëndetësja” do të luajë finalen e Kupës së Shqipërisë ndaj Egnatias, në një sfidë që do të zhvillohet të mërkurën në Tiranë dhe që do të përcaktojë fituesin e trofeut për këtë sezon.
