Konflikti për pagat e magjistratëve u shndërrua në një përplasje të re publike mes kryeministrit Edi Rama dhe drejtësi...
SPORT
N’Golo Kante më në fund te Fenerbahçe, presidenti i klubit falënderon Erdogan
PiranjatPërditësimi i fundit 4 Shkurt 2026, 14:03
N’golo Kante është larguar nga Al ittihad dhe Arabia Saudite për të ndërmarrë një aventurë të re në Turqi duke u transferuar te Fenerbahce, me synimin për të ruajtur vendin e tij në kombëtaren franceze kur kanë mbetur edhe pak muaj nga kampionati botëror i futbollit.
Në fakt transferimi i tij ishte parashikuar të bëhej ditën e hënë, por u shty.
Fenerbahçe që donte të shkëmbente sulmuesin e tij En Nesyri me francezin akuzoi Al Ittihad se kishte dhënë informacione jo të sakta gjatë regjistrimit të transaksionit në softëare dedikuar FIFA-s duke penguar plotësimin e dokumentacionit brenda kohës së parashikuar
Kjo çështje u zgjidh ditën e martë pas ndërmjetësimit të FIFA sipas disa burimeve.
Por presidenti i Fenerbahçe, Sadettin Saran falënderoi edhe presidentin turk Reccep Tayip Erdogan për mbështetjen e fotrë që solli edhe në zgjidhjen pozitive të kësaj çështjeje.
Pas dy vitesh e gjysmë te Al Ittihad, mesfushori francez do të shkojë te skuadra e vendit të dytë në kampionatin turk, pas eksperiencave të tij në Francë, Angli dhe Arabinë Saudite.
Futbollisti i përfaqësueses franceze ka nënshkruar me Fenerbahçe një kontratë deri në qershor të 2028 por vështrimi i tij është drejtuar tek eventi i madh i kësaj vere Botërori i SHBA, Kanadasë dhe Meksikës.
