Për rreth dy javë, studentët në kryeqytetin e Shqipërisë, Tiranë, kanë demonstruar çdo ditë kundër qe...
SPORT
Përmbysen llogaritë/ Ja rivalët e mundshëm të Shqipërisë dhe Kosovës
PiranjatPërditësimi i fundit 18 Nëntor 2025, 23:42
Shqipëria duhet të kalojë nga playoff-i për t’u kualifikuar në Kupën e Botës 2026. Dhe me përfundimin e ndeshjeve të mbrëmjes së sotme, tashmë është e qartë panorama përfundimtare te kundërshtarëve të mundshëm të Shqipërisë për t’u përballur në mars, mes të cilëve ka dy njohje të vjetra të etura për revansh: Polonia e Çekia.
Shqipëria, në bazë të renditjes së FIFA-s, do të jetë e vendosur në vazon e tretë në short, ashtu si Kosova, me ndeshjen gjysmëfinale, që do ta zhvillojë jashtë fushës ndaj një skuadre të vazos së dytë. Ndeshjet e sotme kanë përcaktuar edhe emrat e ekipeve që kuqezinjtë dhe “Dardanët” do të kenë përballë të paktën në hapin e parë të shortit.
Pas lëvizjeve të ndryshme në grupe në ditën e fundit të kualifikueseve, si dhe situatës së ekipeve në renditjen e FIFA-s, tabloja tashmë paraqet përfundimisht katër skuadrat nga të cilët do të dalin emrat e gjysëmfinalistëve për Shqipërinë dhe Kosovën: Polonia, Uellsi, Çekia dhe Sllovakia.
Në shortin e nesërm, do të përcaktohet ndarja e gjysmëfinaleve dhe i finaleve, ku çiftet fituese të ndeshjeve mes vazove 2 dhe 3, do të përballen me çiftet fituese të ndeshjeve mes skuadrave të vazove 1 dhe 4. Do të hidhet short që të enjten edhe për të përcaktuar se cila skuadër do të jetë pritëse e finales në stadiumin e saj.
Ndeshjet e para të play-off, janë më datë 26 mars, ndërsa ndeshjet finale janë planifikuar më datë 31 mars.
NDARJA E 16 KOMBËTAREVE NË VAZO
VAZO 1: Itali, Danimarkë, Turqi, Ukrainë
VAZO 2: Poloni, Uells, Çeki, Sllovaki
VAZO 3: Irlandë, Shqipëri, Bosnjë Hercegovinë, Kosovë
VAZO 4: Suedi, Rumani, Maqedoni e Veriut, Irlandë e Veriut
