Mediat e mëdha ndërkombëtare po i kushtojnë vëmendje shpalljes së aktgjykimit ndaj ish-krerëve të Ushtrisë &Ccedi...
SPORT
“Rezultat shumë i bukur po të kapnim Champions-in”, Alegri bën modestin: Na ndihmoi Menja, Modriç ishte në vështirësi
PiranjatPërditësimi i fundit 16 Janar 2026, 07:51
Trajneri i Milanit, Masimiliano Alegri, ka folur për “Sky Sport” pas fitores 1 me 3 të skuadrës së tij në transfertë ndaj Komos, e arritur me përmbysje:
“Fitore e rëndësishme, sepse të luash kundër Komos është gjithmonë e vështirë, ata qarkullojnë mirë topin. Sidomos kur je në disavantazh duhet të jesh i kujdesshëm, përndryshe rrezikon ta pësosh edhe më keq. Na ndihmoi Menja, ata ishin të zotë të futeshin në hapësira të lira edhe me portierin e tyre. Më pas, ranë pak fizikisht dhe nisën të gabonin teknikisht. Edhe Modriç në pjesën e parë ishte në vështirësi, sepse ne ishim shumë të hapur.”
A i dërguat një mesazh Interit?
“Jo, asnjë mesazh. Duhet të bëjmë garën me veten tonë, ka ende shumë pikë në lojë. Të arrish në katër vendet e para dhe të luash Champions League sezonin e ardhshëm do të ishte një rezultat shumë i bukur. Duhet të rrimë të qetë, të punojmë fort dhe të qëndrojmë të përqendruar te objektivi final.”
Menja protagonist sonte dhe pranë rinovimit:
“Siç them gjithmonë, nëse ka lojtarë që vlejnë 100 milionë dhe të tjerë 1 milion, ka një arsye. Ata që vlejnë 100 milionë i mban në fushë dhe ke më shumë gjasa të fitosh ndeshjet. Është e drejtë që Milani të ketë lojtarë të mëdhenj dhe të tjerë të rinj që mund të përmirësohen dhe të mësohen të luajnë për të fituar.”
Leao më mirë në qendër apo në të majtë?
“Leao është një lojtar i tillë, që bëhet vendimtar edhe pasi nuk ka bërë një ndeshje shumë të mirë. Sonte pati vështirësi, por më pas gjeti dy shkëndija. Lojtarë të tillë duhet t’i shfrytëzosh për karakteristikat e tyre, duke shpresuar që të të fitojnë ndeshjet. Nëse nis nga krahu apo nga qendra ndryshon pak, e rëndësishme është që ai të kuptojë ku janë hapësirat për të shkuar të marrë topin”, deklaroi Alegri.
