Drejtuesit e kompanive mund të përmirësojnë produktivitetin duke investuar në një aktivitet të quajtur “retreat&rdquo...
SPORT
Spektakli me PSG-në, Bajerni ka fitime në fushë dhe jashtë saj
PiranjatPërditësimi i fundit 6 Maj 2026, 10:49
Performanca spektakolare kundër PSG jo vetëm që i jep Bajernit një ndjesi të mirë përpara ndeshjes së kthimit, por edhe në aspektin financiar. Drejtori ekzekutiv Jan Kristian Dresen shpjegon se çfarë ka ndodhur ditët e fundit.“Falë ndeshjeve kundër Real Madrid dhe PSG, fituam mbi pesë milionë ndjekës të rinj në rrjetet sociale,” u shpreh Dresen në një intervistë për faqen zyrtare të klubit.
“Kur Bajerni diskutohet kaq shumë edhe në SHBA dhe në mediat ndërkombëtare, kjo tregon se interesi global për klubin ka arritur një dimension të ri. Kjo është e rëndësishme për tifozët tanë, por sigurisht edhe për partnerët dhe sponsorët.”
Ndeshja e kthimit në çerekfinale kundër Real Madrid (4-3) thuhet se është ndjekur nga gati një miliard njerëz në mbarë botën, ndërsa gjysmëfinalja e parë në Paris theu të gjitha rekordet e transmetimit. Këto janë sinjale të rëndësishme për Bajernin në një kohë kur vitet financiare nuk përfundojnë më automatikisht me fitim dhe kur bëhet gjithnjë e më e vështirë të konkurosh në nivel ndërkombëtar.
“Ne i menaxhojmë financat ndryshe, por jo me më pak sukses,” shpjegon Dresen, duke shtuar se “nuk jemi naivë: po bëhet gjithnjë e më e vështirë të konkurrosh, sidomos kundër Premier Ligë dhe burimeve të saj financiare. Megjithatë, ky sezon tregon se paratë nuk janë gjithçka. Shumë folën për gjashtë ekipet angleze në fazën e 1/16, aktualisht ka mbetur vetëm një.”
Sa janë shanset për përmbysje ndaj PSG të mërkurën? “Jemi një gol poshtë në ‘pushim’ dhe kështu duhet të qasemi: me përulësi, sepse Parisi ka një skuadër të jashtëzakonshme, por edhe me besim,” paralajmëron Dresen.
“Nuk më kujtohet një banket pas një ndeshjeje të Ligës së Kampionëve me një atmosferë kaq elektrizuese sa ajo e javës së kaluar në Paris. E përgëzova skuadrën atje, e meritonin, por i paralajmërova gjithashtu: duhet ta rikuperojmë atë një gol. Nuk mund të ndalemi asnjë sekondë.”
