Policia gjermane ka nisur një operacion të gjerë për kapjen e autorit të dyshuar të sulmit të ndodhur mbrëmjen e së...
SPORT
Tifozi i Barçës nuk e fal Marçiniak për ndeshjen me Interin, polaku i kthehet: Unë favorizova blaugranat, por VAR ndryshoi gjithçka
PiranjatPërditësimi i fundit 29 Prill 2026, 15:15
Të gjithë e mbajnë mend ndeshjen e dytë gjysmëfinalen të Ligës së Kampioneve të sezonit të kaluar midis Interit dhe Barcelonës, ku në fund ishin zikaltërit ata të cilët kanë në finalen e madhe. Ai që arbitroi ndeshjen ishte polaku Simon Marçiniak, i cili u kritikua shumë për mënyrën se si drejtoi.
Sfida e luajtur në San Siro, ishte plot emocione dhe paraqiti dy incidente të shqyrtuara nga VAR që rezultuan vendimtare, një penallti e dhënë për një faull nga Kubarsi ndaj Lautaro Martínez dhe një tjetër e dhënë fillimisht për një faull nga Lamine Jamal, i cili më vonë u anulua sepse ndodhi pak jashtë zonës së penalltisë.
Pothuajse një vit më vonë, një tifoz i Barcelonës kritikoi performancën e tij gjatë një eventi në Poloni. Marcxiniak nuk u shmang nga çështja dhe mbrojti punën e tij, duke pohuar se vendimet e tij fillestare i sollën dobi Barcelonës, megjithëse VAR në fund i përmbysi ato.
“Ende nuk mund t’ju fal për gjykimin e ndeshjes Inter-Barcelona”, i thotë tifozi i vogël.
“Nuk ka asgjë për të falur, për të qenë i sinqertë. Nga perspektiva ime, nuk ka asgjë për të falur. Nëse jeni i sinqertë, vendimet e mia favorizuan Barcelonën. Nuk dhashë penallti për Interin, dhe VAR më thirri dhe më tregoi pamjet e përsëritura. Së dyti, dhashë një penallti, dhe ata më korrigjuan sepse isha katër ose pesë centimetra jashtë zonës. Nëse jemi të sinqertë, pati dy vendime në favor të Barcelonës, por VAR i përmbysi ato. “Kështu është jeta”, tha Marçiniak.
Përveç këtyre lojërave, Barça u ankua edhe për një prekje të mundshme me dorë nga Açerbi brenda zonës dhe një faull nga Dumfris ndaj Gerard Martin në prag të golit që e çoi ndeshjen në kohën shtesë.
