Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
SOCIALE
Gjermania strikte, paralajmëron sistemin e vizave për sportistët rusë në vendin e saj…
Dorela KajoPërditësimi i fundit 10 Prill 2023, 11:41
Gjermania paralajmëron ndalimin e hyrjes për sportistët rusë: "Do të zbatohen rregulloret përkatëse të vizave"...
GJERMANI - Sportistë nga Rusia mund të përballen me refuzimin e hyrjes në Gjermani nëse lejohen të marrin pjesë përsëri në ngjarje sportive ndërkombëtare, tha ministrja e Brendshme gjermane Nancy Faeser. Ajo u tha gazerëve të hënën, se për atletët rusë do të zbatohen rregulloret përkatëse të vizave.
“Vendet ku zhvillohen ngjarje të mëdha sportive nuk janë të pafuqishme. Ata mund të kontrollojnë nëpërmjet lëshimit të vizave, nëse rusët mund të marrin pjesë në gara”,- tha Faeser.
“Ne mund të veprojmë në përputhje me rrethanat kur organizojmë gara ndërkombëtare në Gjermani. Ne do të veprojmë gjithmonë me një qëndrim të qartë për këtë”,- tha ajo.
Atletët nga Rusia dhe Bjellorusia janë ndaluar të marrin pjesë në shumicën e ngjarjeve sportive ndërkombëtare që nga fillimi i pushtimit rus të Ukrainës në shkurt të vitit të kaluar. Komiteti Ndërkombëtar Olimpik (IOC tani ka rekomanduar ripranimin e tyre, në kushte strikte dhe si atletë neutralë.
Përderisa organet drejtuese të sporteve të atletikës dhe të hipizmit kanë thënë se nuk do të heqin ndalimin e tyre, të tjerë si gjimnastika, mundja dhe skerma janë gati t’i mirëpresin ata. Kjo ka bërë që Gjermania, Polonia dhe vende të tjera, të thonë se nuk do të oganizojnë gara në skermë, që parashiheshin të mbahen këtë vit.
Politikanët nga më shumë se 30 vende, kryesisht perëndimore, kishin shprehur kundërshtime të forta ndaj planeve të IOC-së, por presidenti i këtij Komiteti ka sulmuar qeveritë lidhur me këtë qëndrim, duke paralajmëruar se një ndërhyrje e tillë mund të jetë fundi i Lojërave Olimpike dhe ngjarjeve ndërkombëtare sportive.
Por Faeser tha se nuk t’i ofrohet presidentit rus, Vladimir Putin,”një skenë propagandistike” do të tradhëtonte të gjitha vlerat e sportit. Gjithashtu ajo tha se është “krejtësisht e papranueshme që atletët ukrainas të përballen me atletë që konkurrojnë për një vend që po vret kaq shumë civilë në Ukrainë”.
Dje u shpernda ne rrjet nje foto ku Olsi, nje 32 vjeçar me probleme te shendetit mendor, i njohur nga te gjithe si personazh gazmor, dergjej i vdekur ne ...
