Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
AKTUALITET
23-vjeçari shqiptar u qëllua për vdekje në parkingun e Universitetit të Perugias, zbardhen detaje të reja/ Janë përleshur dy grupe, në kërkim autori
PiranjatPërditësimi i fundit 19 Tetor 2025, 14:25
Vijon hetimi për zbardhjen e vrasjes tragjike të Hekuran Cumanit, një i ri 23-vjeçar me origjinë shqiptare dhe shtetësi italiane, i cili u qëllua për vdekje me thikë në një parking pranë Universitetit të Perugias, në orët e para të mëngjesit të së shtunës. Ngjarja ndodhi rreth orës 04:30 të mëngjesit, në parkingun përballë Departamentit të Matematikës dhe Informatikës.
Sipas hetuesve, sherri që çoi në vrasje ka nisur brenda një diskoteke dhe më pas është përshkallëzuar jashtë saj për arsye banale. Dy grupe të rinjsh u përfshinë në përleshjen fizike, e cila ka përfunduar me vrasjen e Cumanit. Hetimet e deritanishme kanë përjashtuar lidhjet me banda kriminale.
Autoritetet janë ende në kërkim të autorëve dhe thikës me të cilën u godit për vdekje Hekuran Cumani. Sipas informacionit paraprak, dyshohet se një person i tretë ka ardhur më vonë dhe ka sjellë armën e krimit. Deri tani, asnjë nga grupet e përfshira nuk rezulton të ketë pasur armë në momentin e fillimit të sherrit.
Policia ka marrë në pyetje dhjetëra persona, përfshirë edhe vëllain e viktimës, i cili ka pësuar lëndime të lehta. Megjithatë, ai nuk ka dhënë informacione vendimtare për identifikimin e autorit të vrasjes.
