Investimet kapitale nga buxheti i shtetit arritën në 62,7 miliardë lekë gjatë 9-mujorit, duke realizuar vetëm 35,6% të plan...
AKTUALITET
Akuzat për dhunë dhe ndarja e bujshme, Arbenita Ismajli nuk i ndal thumbat për Feron: Shija ime e çuditshme për meshkuj!
PiranjatPërditësimi i fundit 27 Dhjetor 2025, 12:09
Modelja e njohur Arbenita Ismajli di si të tërheqë vëmendjen, por postimi i saj më i fundit në rrjetet sociale ka ndezur diskutime të shumta.
Me një dozë humori dhe autoironie, ajo ka shpërndarë një video që ka hapur rrugë për interpretime të ndryshme mbi zgjedhjet e saj personale.
Në profilin e saj, Arbenita ka ripostuar një klip ku shfaqet personazhi ikonë The Grinch në fëmijëri, shoqëruar me mbishkrimin: “Unë dhe shija ime e çuditshme për meshkujt”.
Videoja, e shoqëruar nga kënga virale “My Type”, ironizon figurën e “anti-heroit” të festave, duke shtuar edhe më shumë kuriozitet rreth mesazhit të nënkuptuar.
Reagimet nuk kanë munguar. Ndjekësit kanë nisur menjëherë të aludojnë se ky ripostim mund të jetë një thumb i fshehtë për ish-partnerin e saj, reperin Fero. Duke pasur parasysh marrëdhënien e tyre të trazuar dhe faktin se ata janë prindër të një vajze, shumëkush e ka lidhur frazën për “shije të gabuara” me kapitujt e së shkuarës.
Megjithatë, mbetet e paqartë nëse kemi të bëjmë me një mesazh të koduar apo thjesht me një shaka të zgjuar.
Sakaq, vetëm pak kohë më parë, Fero ka folur sërish për ishbashkëshorten e tij. Ai ripërsëriti akuzat ndaj saj, duke theksuar se e ka privuar nga të qenët prezent në jetën e së bijës.
“Vajza nuk ka ardhur në Prishtinë që prej vitit të kaluar. Ajo është larguar edhe me ndihmën e motrës së presidentes. Unë jam shumë i lidhur me nënën time dhe nuk do të doja që vajza ime të mos e kishte. Nënshkrova një marrëveshje që ajo të kishte të drejta dhe unë të takoja vajzën, aty u mashtrova nga motra e presidentes kur u takova me të. Premtimi që ajo më ka dhënë ishte që unë të takoj vajzën dhe unë, në bazë të premtimit, nënshkrova marrëveshjen që më ka kushtuar shumë, sepse ende nuk mund ta takoj vajzën”, tha ai.
