Kreu i Partisë Demokratike Sali Berisha komentoi zgjedhjet në Serbi, teksa Aleksandar Vuçiç ra nga pushteti pas 14 vitesh.
Berisha u ...
AKTUALITET
Denoncimi për drejtorin e ri të UKT: Flauers Shoshi përdor pagat si mjet frikësimi
PiranjatPërditësimi i fundit 9 Janar 2026, 20:32
Një punonjës i Ujësjellës Kanalizime Tiranë sh.a ka denoncuar në JOQ Albania masa ndëshkuese financiare ndaj një numri të konsiderueshëm punonjësish, ku u është mbajtur paga e një dite pune pa paralajmërim dhe pa respektuar ligjin e punës.
Sipas tij, vendimet janë marrë në mënyrë autoritare nga drejtuesi i ri, Flauers Shoshi, duke u përdorur si mjet presioni dhe frikësimi.
Denoncimi ngre gjithashtu shqetësime për mungesën e kushteve minimale të punës, pasi punonjësit e terrenit nuk pajisen me uniforma, mjete apo automjete, duke rrezikuar shëndetin e tyre.
Një tjetër vendim i kritikuar lidhet me urdhrin që vetëm automjeti personal i drejtorit të parkohet brenda institucionit, ndërsa punonjësit mbeten të neglizhuar. Kjo qasje, sipas denoncuesit, ka krijuar klimë frike dhe heshtjeje, ku punonjësit ndihen të pambrojtur dhe të ndëshkuar pa të drejtë.
DENONCIMI I PLOTË I PUNONJËSIT:
“Përshëndetje JOQ, po ju shkruaj për të denoncuar publikisht një praktikë abuzive dhe ndëshkuese ndaj punonjësve, që po ndodh në një institucionin e Ujësjellës Kanalizime Tiranë sh.a.
Një numri të madh punonjësish i është vendosur masë disiplinore financiare – mbajtje e pagës së një dite pune, pa paralajmërim real, pa dialog dhe pa respektuar frymën e ligjit të punës. Vendimi është marrë në mënyrë autoritariste, si formë presioni dhe frikësimi, jo për korrigjim apo drejtësi.
Punonjësit trajtohen si numra, jo si njerëz: – masa jepen direkt, – paga përdoret si mjet ndëshkimi, – çdo situatë interpretohet në dëm të punëmarrësit.
Kjo nuk është menaxhim, por abuzim administrativ. Kjo nuk është disiplinë, por presion psikologjik dhe financiar.
Vendime të tilla krijojnë klimë frike dhe heshtjeje, ku askush nuk guxon të flasë, sepse rrezikon rrogën. Dhe pikërisht për këtë arsye po ju shkruaj juve. Ekziston dokument zyrtar që e provon këtë rast.
Përveç vendosjes së masave disiplinore financiare, ky institucion NUK ofron as kushtet minimale të punës për punonjësit e tij. Punonjësit e terrenit nuk pajisen me uniforma apo veshje pune, mungojnë mjetet dhe makinat e punës, dhe punonjësit detyrohen të improvizojnë.
Ndërkohë, drejtori i ri ka dhënë urdhër arbitrar që vetëm makina e tij personale të parkohet brenda institucionit, ndërsa për punonjësit “nuk ka rëndësi” me çfarë mjeti vijnë në punë.
Kjo nuk është thjesht keqmenaxhim — është abuzim me pushtetin dhe dinjitetin njerëzor.
Po e ndaj këtë rast publikisht sepse këto gjëra nuk duhet të normalizohen. Punonjësit nuk janë fajtorë dhe nuk janë për t’u ndëshkuar sipas qejfit.
