Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
DENONCIMI/ Vangjeli: Unaza e Burrelit çahet para se të përfundojë ndërtimi, punimet i mbikëqyr një punonjës i ARRSH
PiranjatPërditësimi i fundit 6 Dhjetor 2025, 10:32
Zëdhënësja e Antikorrupsionit në PD, Genta Vangjeli, denoncoi një tjetër skandal korruptiv.
Sipas saj, unaza e qytetit të Burrelit është çarë përpara se të përfundojë ndërtimi.
Vangjeli tha se punimet i mbikëqyr një punonjës i ARRSH.
DEKLARATA E PLOTË
Duket se ditët e këqija për propagandën false të kryeministrit Edi Rama nuk po marrin fund.
Më 22 tetor, në rrjetin e tij social Facebook, kryeministri publikoi foto nga punimet drejt përfundimit për ndërtimin e unazës në qytetin e Burrelit, ku po hidheshin shtresat e fundit asfaltike, ndërsa kishin përfunduar të gjitha punimet për veprat e artit.
Por e vërteta është krejt tjetër.
Në datën 6 mars, ARRSH lidhi kontratën me kompaninë Ulza sh.p.k (me subjekt mbështetës ASI 2A CO sh.p.k), me objekt ‘Sistemim asfaltim rrugët e Drejtorisë së Rajonit Verior Shkodër’ kundrejt vlerës 1.2 milion euro.
Sipas procedurës së prokurimit të zhvilluar nga ARRSH, fituesi që do të kryente mbikëqyrjen e punimeve për të njëjtin objekt ishte një bashkim operatorësh (LENI ING SHPK – ANGERBA SHPK), i shpallur fitues në datën 2 qershor të këtij viti, pra 3 muaj pasi ishte lidhur kontrata për punët civile më lart, procese këto që ecin paralel me njëri tjetrin pasi asnjë punë ndërtimi nuk mund të zbatohet pa u mbikëqyrur njëkohësisht.
Ndërkohë në tabelën informuese teknike në terren, mbikëqyrës i punimeve nuk shfaqet bashkimi i operatorëve shpallur fitues më lart, por çuditërisht një punëmarrës i ARRSH z. Nikollaq Mihali.
Nuk dihet çfarë ndodhi me fituesit në letra të prokurimit për mbikëqyrjen dhe me fondet e shpenzuara për këtë qëllim por e sigurt është që punimet e ndërtimit për kontratën 1.2 milion euro që u prokurua nga ARRSH, u mbikëqyrën nga punëmarrësi i ARRSH.
Dhe… rezultatin shiheni vetë…
Siç paraqitet në pamjet e marra në terren, asfalti është çarë e rruga është dëmtuar, e degraduar pa u përfunduar mirë……
Kjo është fytyra e vërtetë e propagandës qeveritare, e cila përpiqet të fshehë dëmin, korrupsionin dhe papërgjegjshmërinë me foto dhe statuse në rrjetet sociale.
Partia Demokratike kërkon që SPAK të hetojë këtë rast skandaloz.
Shqiptarët nuk meritojnë vjedhjen, mashtrimin dhe as korrupsionin.
