Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
AKTUALITET
Dhuna në kopsht/ Nëna goditi edukatoren në Fier, policia heton edhe dyshimet për dhunë ndaj fëmijës
PiranjatPërditësimi i fundit 23 Tetor 2026, 15:52
Policia e Fierit po heton një rast të pretenduar dhune në kopshtin numër 10 të këtij qyteti. Pak ditë më parë një edukatore 44-vjeçare u dhunua fizikisht nga nëna e një fëmije 4-vjeçar, e cila e akuzonte për dhunimin e të miturit. Policia ka nisur hetimet për të dyja gratë.
Edukatorja e kopshtit publik po hetohet në gjendje të lirë për dyshimet e keqtrajtimit të të miturit, ndërsa nëna e këtij të fundit po hetohet për dhunën e ushtruar ndaj edukatores.
Paraprakisht, policia e Fierit sqaron se nga këqyrja e fëmijës nuk janë evidentuar shenja dhune, por hetimet për rastin nuk janë mbyllur. Sipas avokatit që mbron edukatoren, nëna është njoftuar nga sanitarja e kopshtit, e cila raportohet të jetë pezulluar nga puna pas incidentit.
“Pranë punonjësve të policisë, sanitarja ka deklaruar se nuk e ka parë edukatoren duke ushtruar dhunë ndaj fëmijës.
Nga veprimet e kryera deri më tani, përfshirë pamjet e kamerave, sipas informacionit që kemi, nuk ka rezultuar ushtrim dhune”, u shpreh avokati Evis Hadermataj.
Burimet bëjnë me dije se fëmija 4-vjeçar vijon të frekuentojë kopshtin numër 10 në qytetin e Fierit, ndërsa hetimet për të përcaktuar nëse ka pasur ushtrim dhune ndaj të miturit dhe për të dokumentuar përgjegjësitë për konfliktin mes nënës dhe edukatores, vijojnë.
Ish-drejtuesi i Autoritetit Rrugor Shqiptar, Gentian Gjyli, dhe ish-drejtori i Korporatës Elektroenergjetike Shqiptare, Erald Elezi, janë paraqitur s&...
Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë ...
