Kryeministri Edi Rama paralajmëroi të mërkurën një paketë masash legjislative dhe administrative ndaj personave të përfs...
AKTUALITET
Dy sindikata të arsimit bashkohen në tubim nesër: Në orën 11:00 para Kryeministrisë, më pas te Ministria e Arsimit
PiranjatPërditësimi i fundit 23 Tetor 2026, 18:07
Mbështetja për protestën kombëtare të studentëve, e paralajmëruar për të shtunën, më 24 tetor, po zgjerohet edhe në radhët e sindikatave të arsimit. Pas Sindikatës së Pavarur të Arsimit të Shqipërisë (SPASH), edhe Sindikata e Bashkuar e Arsimit Shqiptar (SBASH) ka njoftuar se do t’i bashkohet protestës, duke shprehur solidaritet me studentët dhe punonjësit e arsimit të lartë. Përmes një njoftimi publik, SBASH ka konfirmuar pjesëmarrjen në protestën kombëtare të studentëve, duke theksuar se kjo mbështetje jepet në solidaritet me Sindikatën e Punonjësve të Arsimit të Lartë.
“SBASH i bashkohet protestës kombëtare të studentëve, duke u solidarizuar me Sindikatën e Punonjësve të Arsimit të Lartë, ditën e shtunë, 24 tetor”, thuhet në njoftimin e sindikatës.
Në mesazhin e saj, SBASH thekson se angazhimi bëhet në emër të një sistemi arsimor më të drejtë dhe më dinjitoz, duke përdorur sloganin: “Për një arsim më të drejtë, më të dinjitetshëm!”
Ndërkohë, edhe Sindikata e Pavarur e Arsimit të Shqipërisë (SPASH) ka konfirmuar se do të jetë pjesë e tubimit të së shtunës, duke qëndruar në krah të nxënësve, studentëve dhe pedagogëve.Sipas deklaratës së SPASH, përfaqësuesit e saj do të marrin pjesë fillimisht në protestën që nis në orën 11:00 përballë Kryeministrisë, ndërsa në orën 14:00 do t’u bashkohen studentëve pranë Ministrisë së Arsimit.SPASH thekson se zëri i komunitetit arsimor duhet dëgjuar dhe respektuar, ndërsa shpreh mbështetjen për përpjekjet që synojnë përmirësimin e arsimit dhe garantimin e një të ardhmeje më të mirë për brezat e rinj.
Bashkimi i dy sindikatave me protestën shënon zgjerimin e mbështetjes së organizuar nga komuniteti arsimor për lëvizjen studentore, në një kohë kur të rinjtë vijojnë protestat dhe kërkojnë ndryshime në vend.
Në mbështetje të Protestës së Studentëve – 24 Tetor 2026, ora 11:00, përballë KryeministrisëSindikata e Pavarur e Arsimit të Shqipërisë (SPASH) shpreh mbështetjen dhe solidaritetin e saj për protestën e së shtunës, duke qëndruar në krah të nxënësve, studentëve dhe pedagogëve në mbrojtje të të drejtave të tyre.SPASH beson se zëri i komunitetit arsimor duhet dëgjuar dhe respektuar. Ne jemi përkrah çdo përpjekjeje që synon përmirësimin e arsimit, dinjitetin dhe të ardhmen e brezave të rinj.
SPASH do të jetë pjesë e protestës së datës 24 tetor 2026, duke nisur në orën 11:00, përballë Kryeministrisë. Më pas, në orën 14:00, do t’u bashkohemi studentëve pranë Ministrisë së Arsimit, në shenjë solidariteti dhe mbështetjeje për kërkesat e tyre.
Ish-drejtuesi i Autoritetit Rrugor Shqiptar, Gentian Gjyli, dhe ish-drejtori i Korporatës Elektroenergjetike Shqiptare, Erald Elezi, janë paraqitur s&...
