Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
"E lidhi me litar, i mbylli gojën"/ Përdhunimi i 12-vjeçares në Pogradec, RRËQETH gjyshi i saj: Vajza e vogël nuk ikën në shkollë se nuk ka motrën...
PiranjatPërditësimi i fundit 5 Janar 2026, 17:51
Gjyshi i 12-vjeçares së përdhunuar nga i moshuari në Pogradec kërkon zgjidhje nga drejtësia për rastin e mbesës së tij.
“Duam që t’i sigurojë vajzës një vend të sigurt mos të ngeli aq e traumatizuar, sepse është e traumatizuar”, tha gjyshi i saj ndër lot.
Gjithashtu ai ka shtuar detaje nga përdhunimi duke thënë se vajza e djalit të tij është lidhur nga i moshuari dhe është abuzuar në mënyrë të dhunshme duke i mbyllur gojën.
Përveç kësaj, mbesa e tij e vogël nuk pranon të shkojë në shkollë sepse nuk ka motrën e madhe.
“Epo, ai ta lidhi vajzën me litar dhe t’i mbylli gojën. Çfarë ku u pa kjo? Djali ka dy vajza dhe ka edhe një tjetër 8 vjeçe që nis shkollën sërish. E vogla nuk do të shkojë në shkollë, sepse nuk ka të madhen. Do më ngelet vajza pa shkollë. Shteti, po të ketë mundësi, sepse këtu nuk vijnë as fëmijët, as djali, sepse ai do të rrijë pas fëmijëve.
Shtetit i lutem të bëjë diçka. Kaq kisha, s’kam më për të folur. Ju faleminderit, erdhët dhe morët mesazhin tonë. S’kemi gjësend, as me mbesat me fëmijët, vetëm me këtë kërkojmë nga drejtesia. Mos të shohin interesin apo diçka tjetër. Për ne, kjo është e rëndësishme dhe kërkojmë që të mos lehtësohet.”
Një ngjarje e rëndë është zbuluar në fshatin Piskupat të Pogradecit, ku një vajzë 12-vjeçare ka rezultuar shtatzënë rreth 22 javëshe pas një vizite në spital.
Dyshohet se ajo është abuzuar seksualisht nga Rushan Selko, një i moshuar 70-vjeçar me njohje familjare.
Gjykata e Korçës ka lënë në fuqi masën e sigurisë “arrest në burg” për 67-vjeçarin Rushan Selko, i akuzuar se ka përdhunuar dhe ka lënë shtatzënë një vajzë 12-vjeçare.
Sipas Policisë së Korçës, ngjarja e rëndë dyshohet se ka ndodhur gjatë muajit gusht 2024, kur Selko ka abuzuar seksualisht me fqinjën e tij të mitur në banesën e tij, në fshatin Piskupat të bashkisë Pogradec. Gjatë kësaj kohe, ai e ka kërcënuar të miturën që të mos i tregonte prindërve për atë që kishte ndodhur.
Rasti u zbulua nga prindërit e vajzës, të cilët vunë re ndryshime të dukshme fizike tek ajo. Pas ekzaminimit mjekësor, u konstatua se e mitura ishte 22 javëshe shtatzënë, ndërsa më pas ajo ka rrëfyer edhe ngjarjen e rëndë.
Organi i akuzës ka kërkuar masën e sigurisë “arrest në burg” për 67-vjeçarin, kërkesë që është pranuar nga gjykata. Seanca gjyqësore e zhvilluar me dyer të mbyllura ka zgjatur më shumë se dy orë.
I pandehuri nuk e ka pranuar akuzën e abuzimit seksual. Ndërkohë, vajzës i është marrë kampioni i fetusit për kryerjen e analizës së ADN-së, me qëllim vërtetimin e atësisë së fëmijës.
Pritet që përgjigjja e analizës të dalë brenda 2–3 javësh, e cila pritet të hedhë më shumë dritë mbi këtë ngjarje të rëndë.
