Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Ekzekutimi i shqiptarit në Greqi/ Viktima dhe dy persona të tjerë u takuan të martën në mëngjes, ja si u 'caktua' data dhe vendi i vdekjes për 41-vjeçarin në Rafinë
m.lPërditësimi i fundit 22 Maj 2025, 22:27
GREQI- Takimi që pati 41-vjeçari shqiptar të martën në mbrëmje, i cili u gjet i vdekur sot në mesditë pranë një vreshti në Rafinë, u shndërrua në një takim për vdekje. Sipas informacioneve nga mediat greke, tragjedia filloi të zhvillohej që ditën e djeshme, të mërkurën në mëngjes. Mësohet se kur gruaja e viktimës kontaktoi autoritetet, përshkroi se 41-vjeçari e telefonoi dhe i tha se një person specifik, të cilin ajo e përmendi, e kishte qëlluar në fytyrë, duke i kërkuar asaj të përpiqej ta gjente.
Hetimi zbuloi se autori i krimit, viktima dhe dy persona të tjerë u takuan të martën e kaluar në mbrëmje në Artemidë. Më pas ata hipën në një makinë të drejtuar nga personi i përmendur nga viktima si autor dhe ndaluan për disa minuta në kryqëzimin e rrugëve Pefkon dhe Arionos në Rafinë. Më pas autori nxori një armë dhe e qëlloi viktimën në fytyrë, konkretisht në faqe.
41-vjeçari u largua nga vendi i ngjarjes në këmbë, arriti të telefononte gruan e tij dhe t'i thoshte se ishte qëlluar me armë zjarri, dhe më pas ndërroi jetë. Autori i krimit është larguar me makinë dhe është në kërkim. Duhet theksuar se autori dhe viktima kanë qenë në duart e autoriteteve për raste droge.
