Detaje të reja janë mësuar në lidhje me ngjarjen në Roskovec, ku Besmir Mustaj ka qëlluar me armë zjarri në portë...
AKTUALITET
EMRAT/ Aksioni anti-drogë në Tiranë, mes të arrestuarve edhe dy drejtorë të “One Albania”
PiranjatPërditësimi i fundit 24 Dhjetor 2025, 18:06
Një operacion i gjerë antidrogë i Policisë së Tiranës ka çuar në arrestimin e 22 personave, të dyshuar si pjesë e një grupi kriminal që merrej me trafikun e lëndëve narkotike. Mes të arrestuarve bien në sy edhe emra të lidhur me kompaninë ONE Albania, fakt që e bën këtë operacion me ndikim të fortë publik dhe institucional.
Sipas burimeve zyrtare, në pranga kanë rënë edhe: Erald Sina, me detyrë Drejtues i Departamentit të Zyrave dhe Pasurisë në ONE Albania dhe Artan Pullazi, Team Leader në ONE Albania Arrestimi i tyre ka ngritur pikëpyetje serioze mbi përfshirjen e individëve me pozicione drejtuese në kompani të mëdha private, duke e vendosur ONE Albania në qendër të vëmendjes mediatike dhe publike.
Kujtojmë që Erald Sina disa muaj më parë është marrë nën hetim për fshehjen e një sulmi të ndodhur në kompaninë telefonike “ONE”. Nën hetim u vunë tetë persona, shtatë prej të cilëve janë punonjës të kompanisë që kujdesej për sigurinë e kompanisë, “Nazeri 2000” dhe punonjës sigurie të brendshme të kompanisë “ONE”. Ngjarja ka ndodhur rreth orës 02:30 të datës 25 dhjetor, ku dy shtetas të maskuar kanë hyrë në ambientet e pikës ‘ONE’ në zonën e Laprakës, duke dëmtuar drynin e derës së pasme. Incidenti është konstatuar nga punonjësi i sigurisë së brendshme i kësaj kompanie, Gentian Koçi i cili, në deklarimin e tij, ka pohuar se nuk janë marrë sende dhe nuk janë shkaktuar dëme materiale.
Punonjësi në fjalë nuk ka njoftuar organet ligjzbatuese, por dyshohet se ka njoftuar vetëm drejtuesin teknik dhe punonjësit e grupit të shoqërisë private të sigurisë fizike që kishte në ruajtje ambientet e kompanisë. Edhe përfaqësues të kompanisë telefonike kanë qenë në dijeni të ngjarjes, por nuk e kanë kallëzuar atë në organet kompetente.
Gjatë kontrollit të banesave dhe automjeteve, policia ka sekuestruar:
rreth 500 gramë kokainë
10 kg Cannabis Sativa dhe 100 doza të gatshme për shpërndarje
5 automjete
28 telefona celularë
6 peshore elektronike
3 000 euro cash
Hetimet vijojnë
Burime nga policia bëjnë me dije se:
5 persona janë arrestuar më herët në operacione të mëparshme
6 shtetas të tjerë janë shpallur në kërkim, të identifikuar si pjesë e këtij grupi kriminal
Hetimet po vijojnë për zbardhjen e plotë të aktivitetit kriminal, rolet e secilit person dhe lidhjet e mundshme mes aktivitetit kriminal dhe pozicioneve profesionale, përfshirë edhe rastet që lidhen me ONE Albania./boldnews
