Një sasi e konsiderueshme droge është sekuestruar nga autoritetet greke në kufirin greko-shqiptar.
Sipas raportimeve, gjatë nj&...
AKTUALITET
EMRI/ Aksidenti i rëndë në det, identifikohet 20-vjeçari që humbi jetën
PiranjatPërditësimi i fundit 15 Qershor 2026, 20:10
Aksident i rëndë detar në Gjirin e Ksamilit.
Një mjet lundrues është përplasur me skafin e policisë kufitare të Sarandës.
Si pasojë e përplasjes një person ka humbur jetën.
Është identifikuar edhe viktima e aksidenti detar në Ksamil, është Albiano Kreçi, 20 vjeç, banor i Ksamilit.
Forca te shumta policie ndodhen në Ksamil.
Ambulancat kanë sjellë deri tani dy persona në urgjencën e spitalit të Sarandës, dyshohet se njëri ka ndërruar jetë.
Njoftimi:
Rreth orës 18:30, në Ksamil, shtetasi A. K., rreth 22 vjeç, banues në Ksamil, duke lundruar në det me një mjet lundrues tip jet ski (makinë lundruese), dyshohet se, si pasojë e lundrimit me shpejtësi, është përplasur me skafin e Policisë Kufitare, i cili ishte i stacionuar (i ndaluar) rreth 400 metra larg bregut, në monitorim të hapësirës detare.
Si pasojë e përplasjes, u dëmtua drejtuesi i mjetit lundrues, i cili u nxor menjëherë nga deti nga punonjësit e Policisë dhe drejtues të tjerë të mjeteve lundruese që ndodheshin në zonë, dhe u transportua me urgjencë në spital, por, si pasojë e dëmtimeve të marra, humbi jetën.
Menjëherë është ngritur një grup i posaçëm hetimor dhe, në bashkëpunim me Agjencinë e Mbikëqyrjes Policore, nën drejtimin e Prokurorisë, po kryhen veprimet për sqarimin e plotë të rrethanave dhe shkakut të ngjarjes.
