Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
EMRI/ I dënuar me 15 vjet burgim për trafikim të qenieve njerëzore, arrestohet në Itali, 42-vjeçari
PiranjatPërditësimi i fundit 9 Qershor 2026, 17:20
Operacioni policor i koduar “The Wanted” ka çuar në prangosjen e një të shpalluri në kërkim ndërkombëtar. Policia njoftoi se, si rezultat i një bashkëpunimi të ngushtë mes Interpol Tiranës dhe autoriteteve të Interpol Romës, u bë i mundur arrestimi në Itali i 42-vjeçarit Sefer Selimaj, i njohur edhe me mbiemrin Ani Ibraliu.
Mësohet se, Selimaj ishte në kërkim pasi Gjykata e Apelit në Tiranë e kishte dënuar me 15 vjet burgim për veprën penale “Trafikimi i qenieve njerëzore”.
Nga dënimi total, 42-vjeçarit i kanë mbetur për të shlyer edhe 13 vjet, 10 muaj dhe 19 ditë burgim. Aktualisht, Interpol Tirana dhe Interpol Roma po ndjekin procedurat e nevojshme për ekstradimin e tij drejt Shqipërisë, ku do të përballet me drejtësinë.
Njoftimi i policisë:
"Policia e Shtetit/ I dënuar me 15 vjet burgim, për trafikim të qenieve njerëzore, arrestohet në Itali, 42-vjeçari. Gjatë kësaj faze të operacionit të koduar “The Wanted”, si rezultat i koordinimit të informacioneve dhe veprimeve operacionale ndërmjet specialistëve të Interpol Tiranës dhe specialistëve të Interpol Romës, u arrestua në Itali, me qëllim ekstradimin në Shqipëri, shtetasi Sefer Selimaj alias Ani Ibraliu, 42 vjeç.
Ai ishte në kërkim ndërkombëtar, pasi Gjykata e Apelit, Tiranë, në vitin 2017, e ka dënuar me 15 vjet burgim, për veprën penale “Trafikimi i qenieve njerëzore”. Nga dënimi, 42-vjeçarit i kanë mbetur për të vuajtur 13 vjet, 10 muaj dhe 19 ditë burgim. Vijon bashkëpunimi me Interpol Romën, për të finalizuar procedurën për ekstradimin e 42-vjeçarit, në Shqipëri.", njoftoi Policia.
