Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
Fluks i madh automjetesh drejt Pogradecit e Korçës, radhë kilometrike pas rihapjes së rrugës
PiranjatPërditësimi i fundit 6 Mars 2026, 17:41
Është rikthyer menjëherë fluksi i madh i qarkullimit të automjeteve në aksin e rrugës kombëtare Tiranë–Elbasan–Librazhd–Pogradec–Korçë, një nga arteriet më të rëndësishme që lidh kryeqytetin me Juglindjen e vendit.
Prej orës 15:00 të kësaj të premteje, me normalizimin e qarkullimit në segmentin e bllokuar, mijëra automjete kanë nisur lëvizjen nga Tirana drejt zonave turistike të Juglindjes si Pogradec dhe Korçë.
Fluksi i shtuar i automjeteve në prag të fundjavës ka sjellë ngadalësim të ndjeshëm të qarkullimit, ndërsa në disa segmente janë krijuar edhe radhë kilometrike.
Situata paraqitet veçanërisht e rënduar në segmentin nga Tuneli i Krrabës drejt zonave të Dopajt dhe Hinkës së Shijonit, ku lëvizja e automjeteve është bërë mjaft e vështirë për shkak të volumit të madh të trafikut.
Ashtu siç ndodh zakonisht gjatë fundjavave, trafiku në këtë arterie pritet të mbetet i rënduar përgjatë gjithë itinerarit drejt Juglindjes, pasi shumë qytetarë kanë zgjedhur të udhëtojnë për pushim në zonat turistike të kësaj pjese të vendit.
Ndërkohë, në drejtimin e kundërt qarkullimi paraqitet normal për momentin, ndërsa fluksi i lartë pritet të rikthehet pasditen e së dielës, kur pushuesit do të nisin kthimin drejt Tirana.
