Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
EMRI- "Kam borxhe nga sëmundja e vajzës"/ Shqiptari i dëbuar dy herë kapet me arsenal armësh dhe drogë në Britani
PiranjatPërditësimi i fundit 22 Maj 2026, 17:50
Një shtetas shqiptar është dënuar me 7 vite e 10 muaj burg në Nottingham Crown Court, pasi policia britanike zbuloi një arsenal armësh dhe rreth 10 kilogramë drogë në apartamentin ku ai qëndronte në Nottingham.
Sipas autoriteteve, 41-vjeçari Ervis Doksani, emigrant i paligjshëm në Mbretërinë e Bashkuar, ishte deportuar më parë dy herë, por ishte rikthyer sërish në vend duke hyrë ilegalisht me kamion.
Gjatë kontrollit në apartament, policia gjeti një revole të fshehur në një dollap kuzhine, ndërsa tre pushkë, njëra prej tyre e mbushur, ishin mbështjella në një qilim pranë një dysheku. Në banesë u sekuestruan gjithashtu municione dhe sasi të mëdha kanabisi të paketuara në vakum.
Gjykatësi Mark Watson e cilësoi Doksanin si “kriminel karriere”, duke theksuar se ai kishte rol kyç në ruajtjen e armëve dhe drogës për një rrjet të organizuar kriminal.
Sipas prokurorisë, shqiptari pretendoi gjatë marrjes në pyetje se kishte një borxh prej 32 mijë eurosh dhe se ishte detyruar të punonte ilegalisht për ta shlyer atë. Ai deklaroi se disa prej armëve i konsideronte imitime ose armë ajrore dhe se kishte hyrë në këtë aktivitet për shkak të vështirësive ekonomike dhe problemeve shëndetësore të vajzës së tij.
Autoritetet britanike thanë se apartamenti përdorej si pikë magazinimi për drogë dhe armë, ndërsa hetimet për lidhjet me krimin e organizuar vijojnë.
