Ambasadori i Gjermanisë në Shqipëri, Karl Bergner i kujton kryeministrit Rama se në rrugën për integrimin në B...
AKTUALITET
Aksion blic në Fier, kontrollohen qelitë e disa të dënuarve dhe sekuestrohet një telefon
PiranjatPërditësimi i fundit 22 Maj 2026, 16:54
Policia ka kryer sërish ditën e sotme kontrolle në burgje, në kuadër të forcimit të masave të sigurisë, parandalimit të futjes apo mbajtjes së sendeve të ndaluara. Konkretisht kontrolli është kryer në burgun e Fierit, ku janë kontrolluar qelitë e disa të dënuarve.
Kontrollet janë zhvilluar në godinën B sektori 1 dhe 2. Gjatë kontrollit është gjetur dhe sekuestruar 1 aparat celular i tipit “iPhone”, ndërsa për rastin u mbajt raport incidenti dhe i dënuari u dërgua në veçim.
Njoftimi:
Kontroll për sende të ndaluara në Institucionin e Ekzekutimit të Vendimeve Penale Fier. Në vazhdim të detyrave funksionale të IEVP-së dhe në kuadër të forcimit të masave të sigurisë, parandalimit të futjes apo mbajtjes së sendeve të ndaluara, Grupi i Sigurisë, nën drejtimin e Drejtuesit të Institucionit, ka ushtruar kontroll në ambientet e institucionit.
Kontrollet janë zhvilluar në godinën B sektori 1 dhe 2. Gjatë kontrollit të dënuarit L.K është konstatuar dhe sekuestruar 1 aparat celular i tipit “iPhone”. Për rastin u mbajt raport incidenti dhe i dënuari u dërgua në veçim, ndërsa materialet procedurale iu referuan strukturave përkatëse.
