Drejtori i Hekurudhës Shqiptare Ergys Verdho është paraqitur këtë të premte në Prokurorinë e Posaçme.
Deri m&e...
AKTUALITET
Mashtrimet me kreditë online, Policia apel qytetarëve: Kujdes, mos dërgoni para, të dhëna bankare apo dokumente
PiranjatPërditësimi i fundit 30 Janar 2026, 11:07
Mashtruesit nëpërmjet platformave kibernetike po përfitojnë çdo ditë e më shumë për të zhvatur qytetarët duke manovruar nëpërmjet ofertave joshëse deri edhe për kredi.
Policia e Shtetit ka zbuluar një tjetër skemë mashtrimi, duke apeluar dhe këshilluar qytetarët që të kenë kujdes, si dhe hapat që duhet të ndjekin nëse marrin oferta të ngjashme.
Këshillohet që të mos jepen para, dokumente, informacione bankare dhe të tjera.
Njoftimi i Policisë së Shtetit:
“Policia e Shtetit, nëpërmjet Drejtorisë së Hetimit të Krimit Kibernetik, informon dhe ndërgjegjëson qytetarët në lidhje me raste të mashtrimeve online që kanë të bëjnë me oferta të rreme për kredi.
Janë evidentuar raste kur persona të panjohur, përmes faqeve të dyshimta në internet, rrjeteve sociale apo mesazheve elektronike, paraqiten si përfaqësues të institucioneve financiare dhe i nxisin qytetarët të aplikojnë online për kredi, me qëllim përfitimin monetar në mënyrë mashtruese.
Këto oferta janë mashtruese dhe synojnë përvetësimin e të dhënave personale dhe financiare të qytetarëve.
Policia e Shtetit këshillon qytetarët që:
Të tregojnë kujdes të shtuar dhe të mos dërgojnë para, të dhëna bankare apo dokumente personale te persona të paidentifikuar apo faqe interneti të pasigurta.
Përpara se të aplikojnë për kredi pranë institucioneve financiare, të verifikojnë gjithmonë informacionin.
Të komunikojnë drejtpërdrejt me personelin bankar, duke përdorur vetëm kontaktet zyrtare të publikuara në faqet zyrtare të bankave përkatëse, veçanërisht në rastet kur nuk kanë mundësi të paraqiten fizikisht në degët bankare.
Qytetarët ftohen që çdo rast të dyshuar për mashtrim ta denoncojnë menjëherë pranë Policisë së Shtetit, me qëllim parandalimin dhe hetimin e këtyre veprave penale.
Policia e Shtetit mbetet e angazhuar në luftën kundër krimit kibernetik dhe apelon për kujdes, verifikim dhe bashkëpunim nga ana e qytetarëve”.
