Drejtori i Hekurudhës Shqiptare Ergys Verdho është paraqitur këtë të premte në Prokurorinë e Posaçme.
Deri m&e...
AKTUALITET
SPAK kërkon të arrestojë Ballukun/ Raportuesi për Shqipërinë në PE: Lufta kundër korrupsionit duhet fuqizuar
PiranjatPërditësimi i fundit 30 Janar 2026, 09:52
Raportuesi i Përhershëm i Parlamentit Evropian për Shqipërinë, z. Andreas Schieder ka komentuar çështjen “Balluku” dhe kërkesën e SPAK për arrestimin e saj.
Teksa u pyet nga gazetarët në Tiranë mbi faktin nëse do të raportohet shtyrja e procedurave për mandatin e Ballukut, ai tha se PE nuk komenton çështjet juridike dhe ato ligjore, por theksoi se lufta kundër korrupsionit duhet fuqizuar.
“Duhet të them se PE nuk komenton cështje juridike apo ligjore, por institucionet duhet të kryejnë punën e tyre. SPAK duhet të bëjnë punën e tyre me gjetjen dhe tyre dhe gjithçka që mendojnë se është e nevojshme dhe ne kemi thënë që të gjitha institucionet të mbështesin punën e SPAK.
Sa për Kuvendin e Shqipërisë jam i sigurt që do të bëhen diskutimet e duhura dhe do të merren vendimet e duhura në bazë të kushtetutës.
Ajo më pas çohet në seancë plenare. Kjo është e njëjta gjë dhe për parlamentin austriak ku kam shpërblyer për një kohë të gjatë. Jemi marrë me çështje të tilla,.
Në disa raste mund të merren vendime shpejt, në disa raste të tjera duhet të shihet dosja me vëmendje.
Mësova se ka një afat kohor që nuk ka përfunduar, dhe nuk është momenti për të bërë komente.
Na kanë siguruar të gjithë aktorët në parlament se janë të përgjegjshëm për përgjegjësitë e tyre", tha ai.
