Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
“Mbi 1 muaj për një përgjigje ankimi”/ Malltezi: KLP dhe ILD po mbrojnë dy shërbëtorët e Ramës
PiranjatPërditësimi i fundit 28 Nëntor 2025, 17:15
Jamarbër Malltezi ka akuzuar ditën e sotme, KLP-në dhe ILD-në për zvarritje të qëllimshme të ankimit të bërë prej tij në lidhje me prokurorët Arben Kraja dhe Enkeleda Millonai.
Malltezi thotë se prej 43 ditësh ka dorëzuar ankesa pranë Këshillit të Lartë të Prokurorisë dhe Inspektoratit të Lartë të Drejtësisë, ku pretendon se dy prokurorët Arben Kraja dhe Enkeleda Millonai kanë kryer rreth 30 falsifikime dhe shpërdorime detyre.
Sipas tij, KLP-ja ka marrë 29 ditë për t’i kthyer vetëm një paragraf përgjigje, ndërsa ILD-ja, sipas tij, ka vepruar jashtë afateve ligjore, pasi materialit të depozituar i ka caktuar numër vetëm pas mbi 40 ditësh.
Ai e ka cilësuar këtë si një shembull që tregon se vetë organet e drejtësisë, siç shprehet ai, shkelin afatet për të mbrojtur shërbëtorët e Edi Ramës, prokurorët Kraja dhe Millonai.
Para 43 ditësh nisa ankimet tek KLP dhe ILD lidhur me 30 falsifikime dhe shpërdorime detyre nga dy prokurorët Kraja dhe Millonai. KLP mori 29 ditë për të kthyer 1 paragraf përgjigje që po e heq nga vetja.
ILD vec pas të 40-ave i cakton një numër materialit të depozituar. Shembull që tregon se vetë organet e drejtësisë shkelin vetë afatet veç për të mbrojt shërbëtorët e Edi Ramës.
