Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
AKTUALITET
Minatorët protestë para Kryeministrisë: Duam statusin
PiranjatPërditësimi i fundit 23 Shkurt 2026, 14:52
Sindikata e Minatorëve ka zhvilluar kete te hene nje proteste para Kryeministrisë, pas rrëzimit të projektligjit “Për statusin e minatorit” gjatë seancës plenare të së enjtes në Kuvend. Minatorët kërkojnë që çështja e tyre të trajtohet seriozisht dhe të gjendet një zgjidhje për të garantuar të drejtat dhe përfitimet që parashikohen për këtë profesion.
Sindikatat e minatorëve protestuan këtë të hënë para godinës së Kryeministrisë, pas rrëzimit të projektligjit “Për statusin e minatorit” javën e kaluar në Kuvend.
Të mbledhur përpara godinës së qeverisë, minatorët kërkuan që çështja e tyre të trajtohet me prioritet dhe seriozitet
U shprehen se do t’i vijojnë protestat deri në miratimin e kërkesave.
Përfaqësuesit e sindikatave u shprehën të zhgënjyer nga rrëzimi të enjten në seancë plenare me 74 vota kundër, 17 vota pro dhe 1 abstenim, të projektligjit teksa thanë se qindra punëtorë të nëntokës kërkojnë njohjen e statusit të veçantë.
Tre përfaqësues të minatorëve zhvilluan një takim me një përfaqësues të qeverisë, i cili mori shënim kërkesat e tyre dhe premtoi një përgjigje brenda 10 ditësh.
Gjatë protestës, minatorët paralajmëruan përshkallëzim të reagimit nëse kërkesat e tyre nuk do të merren parasysh.
