Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
AKTUALITET
Nga tenderimi te abuzimi me fondet, inxhinieri tregon shkaqet që çuan në shembjen e aksit Librazhd-Prrenjas
PiranjatPërditësimi i fundit 7 Mars 2026, 11:12
Inxhinieri Bleon Hasani ngriti shqetësimin për gjendjen e infrastrukturës rrugore në Shqipëri dhe rrezikun që ajo paraqet për banorët, duke theksuar se problemet lidhen jo vetëm me faktorë natyrorë, por edhe me mungesën e mirëmbajtjes dhe abuzimet në terren.
Ai u u ndal te dëmtimet e shumta të infrastrukturës, si dhe te rrugët alternative, duke pasur parasysh edhe bllokimit që i ndodhi aksit Prrenjas-Librazhd.
Sipas tij, ndërhyrjet e pakontrolluara në terrenet pranë rrugëve, mungesa e mirëmbajtjes së pyjeve, problemet me drenazhimin dhe gërryerja e lumenjve krijojnë një kombinim të rrezikshëm që mund të çojë në pasoja serioze.
Ai theksoi gjithashtu se ndërtimi i rrugëve nuk duhet të bëhet për arsye elektorale, por duke respektuar protokollet teknike dhe studimet e detajuara mbi terrenin.
“Duhet të ndalojmë të ndërtojmë rrugë për efekte elektorale por të ndiqen protokollet teknike dhe të respektohen studimet mbi terrenin. Projektim konservativ i bazuar vetëm në fakte. Mbikëqyrja duhet të jetë konservative.
Tenderimi, ndërtimi dhe dokumentacioni para dorëzimit të veprës duhet të jetë transparente. E kam ndjekur me vëmendje dhe më vjen keq kur thuhet janë shkaqe natyrore. Çdo inxhinier edhe me arsim bazik e di që nuk është uji problemi, por abuzimi me fondet e alokuara për mirëmbajtjen e rrugës ai që krijon problematikën”, tha ai.
