Dy persona janë plagosur me armë zjarri mbrëmjen e sotme në zonën e Laprakës në Tiranë.
Ngjarja dyshohet se ka ndodhur ...
AKTUALITET
Petro Marko, shkrimtari rebel që sfidoi komunizmin, por u "zhgënjye" nga demokracia
PiranjatPërditësimi i fundit 26 Nëntor 2025, 13:42
Më 25 nëntor të vitit 1913, në fshatin Dhërmi të Himarës, lindi shkrimtari Petro Marko.
Kreu Shkollën Tregtare të Vlorës dhe më 1 mars 1936 botoi numrin e parë të së përdyjavshmes letrare “ABC”. Po atë vit shkoi në Luftën Civile të Spanjës me një grup prej dyzetë shqiptarësh dhe hyri në repartin Garibaldi të Brigadave Internacionale. Në Madrid, së bashku me Skënder Luarasin, filloi botimin e një reviste njëzetfaqëshe në gjuhën shqipe me titullin “Vullnetari i Lirisë”, që doli vetëm dy numra. Më 1940 u shtrëngua të kthehej në atdhe nga mërgimi në Francë. Një vit më vonë u arrestua nga italianët dhe u internua bashkë me gjashtëqind të burgosur të tjerë nga Ballkani, në ishullin Ustika në detin Tirren. Në tetor 1944 u kthye në Shqipëri si partizan.
Pas disa vitesh si kryeredaktor i gazetës “Bashkimi” më 1947 u arrestua nga regjimi komunist dhe u burgos në Tiranë. Pas rënies së Koçi Xoxes, u lirua dhe u lejua të punonte si mësues në kryeqytet. Pas botimit të romanit “Një emër në katër rrugë” (Tiranë,1973), iu ndalua botimi për një periudhë prej tetë vitesh. Vdiq në Tiranë, më 27 dhjetor 1991.
Veprat e tij më të mira janë cilësuar: “Hasta la vista”, Tiranë,1958; “Qyteti i fundit”, Tiranë,1960; “Rrugë pa rrugë”, Tiranë 1964; “Nata e Ustikës”, Tiranë 1989 etj.
Shkrimtari i njohur Petro Marko prehet në varrezat e Dhërmiut, por siç shihet nga kjo foto varri i tij gjendet në kushte të mjerueshme.
