Luka Modric pritet t’i japë fund aventurës së tij me fanellën e Kroacisë pas më shumë se një dekade të mbus...
AKTUALITET
Qeveria ‘ha’ sigurinë ushqimore: Ligji i ri ndëshkon pasojat, jo burimin e rrezikut
PiranjatPërditësimi i fundit 31 Gusht 2025, 15:21
Kodi i ri Penal sjell risi në fushën e sigurisë ushqimore, duke përfshirë disa vepra penale të reja që synojnë të ndëshkojnë prodhimin dhe tregtimin e ushqimeve të rrezikshme për shëndetin e konsumatorëve.
Kjo lëvizje vjen pas shumë rasteve të shpërthimit të skandaleve në lidhje me sigurinë ushqimore, që nga shpërthimi i salmonelës, akulloret kancerogjene, e deri te kamionët me perime që refuzohen nga BE për shkak të nivelit të lartë të pesticideve.
Por qeveria ka nisur të “shërojë” të sëmurin dhe jo të gjejë shkakun e kësaj situate.
Nëpërmjet këtyre mënyrave: 1. Forcojë inspektimet në terren – të kryera rregullisht dhe pa paralajmërim në ferma, tregje, fabrika ushqimore. 2. Vendosë gjoba të rënda për prodhuesit që përdorin hormone, pesticide apo antibiotikë të ndaluar. 3. Publikojë emrat e subjekteve shkelëse – për transparencë publike dhe presion ndaj konsumatorit. 4. Revokojë licencat e bizneseve që kapen në shkelje të përsëritura. 5. Investojë në laboratorë modernë për testimin e produkteve në mënyrë të pavarur. 6. Shtojë ndëshkime për zyrtarët shtetërorë që shpërfillin denoncimet apo bashkëpunojnë me bizneset abuzuese.
Kush i fut në vend këto pesticide dhe në rast se përdoret doza e lartë, përse nuk kontrollohen hektarët e mbjellë dhe të jepen pikërisht aq sa nevojitet?
Më tej janë parashikuar ndryshime që përfshijnë dënime me burg për prodhimin e ushqimeve të rrezikshme, mashtrimin me produktet ushqimore, paraqitjen e rreme të tyre, si dhe shkeljet e shenjave të vendosura nga autoritetet shtetërore.
Teksa therjen e kafshëve ose përdorimin e produkteve shtazore për konsum, duke e ditur se ato janë trajtuar me substanca të ndaluara. Për këtë shkelje parashikohet deri në katër vjet burgim. Po ashtu, penalizohet hedhja në treg e mishit ose produkteve shtazore pa respektuar periudhat e pritjes të përcaktuara me ligj. Në nenin 460, parashikohet *mashtrimi me produktet ushqimore*, ku përfshihet importimi, prodhimi, ruajtja, falsifikimi, publiciteti ose tregtimi i ushqimeve me të dhëna të rreme për cilësinë, prejardhjen, kategorinë apo përbërjen e tyre. Për këtë vepër dënimi arrin deri në tre vjet burg.
Ndërsa *paraqitja e rreme e produktit ushqimor*, që lidhet me ndryshimin e të dhënave për skadencën apo përbërjen e produkteve, ose tregtimin e ushqimeve të destinuara për t’u bërë të papërdorshme, ndëshkohet me burg deri në gjashtë muaj.
Gjithashtu është kriminalizuar edhe *prishja e shenjave të organeve shtetërore në fushën e sigurisë ushqimore*, ku përfshihet heqja ose ndryshimi i shenjave bllokuese të vendosura nga autoriteti kombëtar i ushqimit. Në rastet kur aktiviteti vijon pavarësisht bllokimit, dënimi mund të arrijë deri në tre vjet burg./Piranjat.al
