Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
Rrëmbimi/ Zbardhet dëshmia e Gerond Meçes: Më thanë të rri larg AKSHI-t
PiranjatPërditësimi i fundit 22 Dhjetor 2025, 17:15
Është zbardhur dëshmia e Gerond Meçes, biznesmenit që u rrëmbye dhe u kërcënua për t’u tërhequr nga ankimimet për disa tendera shtetërorë, pjesë e dosjes së AKSHI. Nga aktet e dosjes rezulton se, sipas deklarimeve të Gerond Meçe, shtetasi Erion Ismaili, me detyrë zëvendësdrejtor i Drejtorisë Vendore të Policisë Tiranë, i ka kërkuar atij që “të rrinte larg AKSHI-t”.
Në dokumentacionin hetimor theksohet se ky fakt përputhet edhe me rezultatin e pamjeve filmike të sekuestruara në zyrën e shtetasit Ergys Agasi, ku evidentohen takime të shumta mes tij dhe Erion Ismailit, duke ngritur dyshime për lidhje shoqërore dhe interesa të përbashkëta.
Meçe u mbajt për disa orë nën presion dhe kërcënime, me synim që ai të tërhiqej nga ankesat e paraqitura lidhur me procedurat e tenderëve të AKSHI-t. Vetëm pasi biznesmeni pranoi të heqë dorë nga këto ankimime, rrëmbyesit e lanë të lirë, duke e braktisur në një zonë rurale të qarkut të Elbasanit.
Hetimet kanë zbuluar se urdhri për këtë ngjarje dyshohet se ka ardhur nga një grup kriminal i drejtuar nga Ergys Agasi dhe Ermal Beqiri. Aktualisht, të dy janë shpallur në kërkim nga autoritetet.
