Protestat studentore në Shqipëri kanë hyrë sot në ditën e 14-të radhazi, ndërsa një numër i madh të rinjs...
AKTUALITET
Rruga 260 mln euro e Ballukut mbetet jashtë funksionit! Vijon bllokimi i aksit Qukës–Qafë Plloçë
PiranjatPërditësimi i fundit 8 Janar 2026, 12:17
Aksi rrugor Qukës-Qafë Plloçë vijon të mbetet i bllokuar për qarkullimin e mjeteve, si pasojë e pranisë së inerteve dhe dherave në rrugë, situatë e rënduar edhe më tej nga reshjet e dëborës.
Sipas informacioneve të ditës së djeshme, për shkak të rrezikut të shtuar për përdoruesit e rrugës dhe për të shmangur aksidente të tjera, si rasti i një mjeti të aksidentuar në orët e paradites, është marrë vendimi për mbylljen e përkohshme të këtij segmenti. Policia Rrugore e Korçës dhe ajo e Elbasanit kanë orientuar qarkullimin e mjeteve drejt rrugës së vjetër, duke vendosur patrulla në hyrje të Qafë Plloçës dhe Qukësit, për të ndaluar hyrjen në aksin e ri.
Sipas të dhënave më të fundit, rruga aktualisht është e mbuluar nga dëbora dhe nuk kalohet me mjete të vogla. Për shkak të kushteve të vështira atmosferike, punimet për pastrimin dhe hapjen e rrugës së bllokuar nga inertet janë ndërprerë përkohësisht.
Autoritetet bëjnë me dije se aksi do të qëndrojë i mbyllur deri në momentin që firma kontraktore të kryejë pastrimin e plotë të dherave dhe inerteve dhe derisa të garantohet siguria e plotë për qarkullimin e mjeteve. Drejtuesve të automjeteve u kërkohet të tregojnë kujdes dhe të ndjekin udhëzimet e Policisë Rrugore.
