Deputeti i Partia Demokratike Arian Ndoja ka qenë i ftuar në emisionin e mëngjesit ‘Kafe Shqeto’ në Syri tv.
Gjatë bised...
AKTUALITET
Sarandë, në 4 vite rreth 55 zyrtarë u përballën me drejtësinë
PiranjatPërditësimi i fundit 26 Maj 2026, 18:43
Rreth 55 zyrtarë publikë në Sarandë u përballën me drejtësinë në 4 vitet e fundit, duke shënuar kështu një rekord.
Rreth 50 prej këtyre zyrtarëve u përballën me masa sigurimi të dhëna nga Prokuroria e Sarandës, SPAK apo në ndonjë rast të veçuar edhe nga Prokurori e ndonjë rrethi tjetër. Ndër institucionet më të goditura në këto 4 vite nga drejtësia ka qenë IMT e Bashkisë Sarandë dhe ASHK Sarandë, ndërsa nuk kanë shpëtuar edhe zyrtarë të drejtësisë, policisë, doganave, IKMT apo ARZM.
Akuzat e ngritura ndaj tyre kanë qenë kryesisht “shpërdorim detyre” e “korrupsion pasiv”, ndërkohë që shumë procese vijojnë ende nëpër gjykata, me zyrtarë që edhe pse kanë dalë nga sistemi, rrezikojnë ende të rikthehen në qeli pas dënimeve që mund të jepen të formës së prerë.
Nga 55 zyrtarët që u përballën me Drejtësinë, një pjesë e mirë e tyre kaluan muaj deri në mbi një vit në qelitë e paraburgimit, një pjesë në arrest shtëpie, një pjesë vijojnë ende të jenë në kërkim dhe vetëm pak u proceduan prej fillimit të hetimit në gjendje të lirë.
Për të gjithë këta zyrtarë, për shumë pak kanë përfunduar proceset gjyqësore, ndërsa për shumë të tjerë vijojnë ende në Gjykatë, ndërsa pothuajse të gjithë kanë dalë tashmë nga sistemi i administratës.
