Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
AKTUALITET
Sherr në burgun e Vlorës, dhunohet brenda qelisë Eduard Alikaj
PiranjatPërditësimi i fundit 22 Maj 2026, 21:19
Është dhunuar keq në paraburgimin e Vlorës, Eduard Alikaj, pronari i kompanisë “Edal-Vlora Construction”, i cili mbahet në burg si pasojë e vjedhjeve të disa makinerive me vlerë të konsiderueshme në shtetin Italian.
Konflikti i dhunshëm që përfundoi me dëmtime të rënda për Eduard Alikaj, është rregjistruar rreth orës 15:35 të mesditës së sotme në katin e dytë të paraburgimit të Vlorës. Sipas burimeve, në katin e dytë të “Godinës A”, ka ndodhur një përplasje mes të paraburgosurve Ardit Koçi, Amarildo Toshkollari, Marsido Alushi dhe Beqir Selami, janë futur në dhomën Nr. 11 ku ndodhej i paraburgosuri Eduard Alikaj, të cilin kanë filluar ta godasin fizikisht.
Në këtë konflikt ka marë pjesë dhe Bebeto Basha, i arrestuar për shpërndarje droge. Dyshohet se Basha, ka qënë iniciatori i këtij konflikti të rëndë. Për shkak të situatës së krijuar, sektori i paraburgimit është kaluar menjëherë në rregjim burgu dhe janë marrë masat për rivendosjen e rendit dhe sigurisë.
Protagonistët e këtij konflikti mësohet se janë transferuar në burgun e Reçit, në paraburgimin 302 në Tiranë, në Burrel dhe një tjetër në burgun e Drenovës në Korçë. Ndërsa personi i dëmtuar rëndë si pasojë e goditjeve, është transportuar në spitalin e Burgut në Tiranë, për trajtim mjekësor.
Rasti është referuar nga Drejtoria e Përgjithshme e Burgjeve në prokurorinë e Vlorës. /Syri.net
