Nga Henry M. Rodríguez*, LA TERCERA
*Doktor në Politika Publike nga Universiteti IEXE (Meksikë). Magjistër në Siguri Publike,...
AKTUALITET
Skandal mjedisor në Roskovec/ Kompania Erzeni hedh mbetjet e dëmshme në kanalet vaditëse, fermerët në alarm!
PiranjatPërditësimi i fundit 22 Mars 2026, 13:21
Një situatë shqetësuese mjedisore është denoncuar nga një qytetar në fshatin Suk 2, në Roskovec, ku sipas tij një kanal kullues po përdoret për shkarkimin e mbetjeve të ndotura nga fabrika e përpunimit të qumështit ''Erzeni''.
Sipas denoncimit, uji që kalon në këtë kanal rezulton i ndotur me kripëra dhe mbetje industriale, duke u kthyer në një dëm për fermerët, pasi ky kanal përdoret nga këta të fundit për vaditjen e serave.
Qytetari thekson se, në vend që këto mbetje të trajtohen dhe depozitohen në mënyrë të kontrolluar sipas standardeve mjedisore, ato po derdhen drejtpërdrejt në kanalin kullues.
Si pasojë, toka po kripëzohet dhe po humbet pjellorinë, duke ndikuar drejtpërdrejt në rendimentin e prodhimeve bujqësore.
Qytetari i bën thirrje institucioneve përgjegjëse, si Ministria e Mjedisit dhe Ministria e Bujqësisë, që të ndërhyjnë menjëherë dhe të mbrojë interesat e fermerëve dhe jo interesat e kompanisë Erzeni.
Qytetari po ashtu ka dërguar edhe një video, ku duket qartë gjendja e kanalit dhe niveli i ndotjes së ujit.
Ky rast ngre shqetësime serioze për mbrojtjen e mjedisit dhe sigurinë e prodhimeve të fermerëve në zonë, duke kërkuar reagim të menjëhershëm institucional./Piranjat News
