Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues t&e...
AKTUALITET
Skandali/ U arrestua nga policia pas protestës së PD, qytetari nga Kosova: Dola rastësisht në shesh, nuk kam kryer vepra penale (DËSHMIA)
PiranjatPërditësimi i fundit 23 Dhjetor 2025, 18:57
Midis personave të arrestuar nga policia pas protestës mbrëmjen e shkuar të opozitës para Kryeministrisë, rezulton edhe një shtetas nga Kosova. Në dëshminë e tij në komisariat, ai thotë se ndodhej rastësisht në shesh.
Përgjigje: Pyetjen e kuptova dhe dua të sqaroj se, unë kam ardhur në Shqipëri si turist për të qëndruar disa ditë, dhe sot me datë 22.12.2025 rreth orës 20.00 kam qenë duke dalë xhiro nëpër Tiranë dhe rastësisht ndodhem pranë protestës të organizuar nga Partia Demokratike.
Sqaroj se babai im ka qenë ish-ushtarak i UÇK dhe i cili ka pasur raporte të mira dhe respekti për Kryetarin e Partisë demokratike z. Sali Berisha, edhe unë gjithashtu e simpatizoj shumë këtë figurë politike të Shqipërisë dhe jam futur në mes të turmës për të shkuar dhe për të bërë disa foto me Z. Sali Berisha dhe të filmoja fjalimin e zotit Berisha për t’ja nisur babës me Wetsap, pasi baba im e simpatizon shumë Z. Berisha.
Dua të sqaroj gjithashtu se unë nuk kam ushtruar vepra dhune, nuk kam goditur njeri apo të kem dëmtuar ndonjë person që ka qenë aty në protestë dhe aq më pak punonjësit e policisë. Në lidhje me sqarime të mëtejshme do t’i jap në një moment të dytë proceduriale. Dua të vë në dijeni se vuaj nga probleme në shtyllën kurrizore, para disa kohësh kam bërë aksidente dhe aktualisht jam duke përdorur ilaçe.”
